5וישוע אהב את מרתא ואת אחותה ואת לעזר׃
6ויהי כשמעו כי חלה ויתמהמה וישב יומים במקום אשר הוא שם׃
7מאחרי כן אמר לתלמידיו לכו ונשובה לארץ יהודה׃
8ויאמרו אליו תלמידיו רבי עתה זה בקשו היהודים לסקלך ואתה תשוב שמה׃
9ויען ישוע הלא שתים עשרה שעות ליום איש כי ילך ביום לא יכשל כי יראה אור העולם הזה׃
10אבל ההלך בלילה יכשל כי האור אין בו׃
11כזאת דבר ואחרי כן אמר אליהם לעזר ידידנו ישן הוא ואנכי הלך למען אעירנו׃
12ויאמרו תלמידיו אדני אם ישן הוא יושע׃
13וישוע דבר על מותו והמה חשבו כי על מנוחת השנה דבר׃
14אז גלה ישוע את אזנם ויאמר אליהם לעזר מת׃
15ושמח אני בגללכם כי לא הייתי שם למען תאמינו ועתה נסעה ונלכה אליו׃
16ויאמר תומא הנקרא דידומוס אל התלמידים חבריו נלכה גם אנחנו למען נמות עמו׃
ג'ון 11
ג'ון 11:5-16