Jon 11:5-16

⁵Jisas Lasarus nga jikaha orhi Marta fre Maria nga or rupshi mendendari lira.

⁶Hako Lasarus or kavamisiri mashi oson or misihi niri frijip os or liri mishi orok ormu lira.

⁷Niri frijip am fri ishirik ol orin tiyandari man ormu mbara, �Ka ni provins Judiak indik ni ika.�

⁸Urik limu mbara, �Tisa, mberem ushiwak indik orok mi ikmbaha mi mbandu? Akri mende mirin li mandingormekurik li mbari os te!�

⁹Karem li mbarik ormu mbara, �Tandi wolo lerawun ni landa nir. Hako si krinyawa wolo mbeek lerawun ni landa ambu nir. Ma ol ta jiwa wolok yanda ondo mbeek takatukuyinda ambu lir. Harawak heye yanda ola!

¹⁰Hako ma ol nirik yanda mbeek haranda nga nanda ambu olik takatukuyinda lir.�

¹¹Uhu ormu mbara, �Naimble nihi Lasarus ormu wa suknyanduwa. Avak a ihi lembasinak usahakwa ri.�

¹²Urik olmu mbara, �Wasilaka, os or kavamisihi or suknya nahi, avak jivik nakwa ria.�

¹³Lasarus angop hari ri. Hako lir mbeek os or mbari mashin yariri ambu lir.

¹⁴Urik kormbak ormu sawera, �Lasarus angop hari ria.

¹⁵Hako amu rupshinduwa. Avak a ihi mbele las ma undahi ambun a unak ji heyehe os anin ji hishiowenda nombo jihi oso wasilakak nakwa sira. Os or hari wolo orok a lirikop, mbeek mbele las os ter a mukunak ji heyekwan a mukuri ambu nir. Hako ter avak a unak ji heyekwa sir. Ka ni ika yanga orok.�

¹⁶Karem or mbarik orin tiyandari ma lar hi orhi Tomas, hi yeje orhi Didimus, ormu mbara, �Wa, ka ni ihi or nga ni haka!�