John 11:5-16

⁵Iesu mo opoi Martha enia vetasina peresi Lazarus.

⁶Ale matan mo rongo vara mo rojo Iesu mo mele toho atu rani mo rua.

⁷Hitahun haratu, mo verea isana nona tamlohi usuri mara, “Nake r̃a mele sahe Judea.”

⁸Nona tamlohi usuri la r̃aramia lara, “Tija, mo r̃uhu, pani mo sopo tuai sei tamlohi tatavera atu nona Jew la opoia vara la pa parumateiho! Avei, ko opoia vara o pa mele vano atu?”

⁹Iesu mo r̃aramia mara, “Matan alo mo visa na rani matea? Ka levosahia vara mo sangavulu r̃omana mo rua . Vara o hahau na rani o pa hite na mera alo, ale o pa sopo tialahalaha.

¹⁰Pani vara o hahau na vutepongi o pa tialahalaha matan mo sopo te mera hinia.”

¹¹Ale mo verea isara mara, “Tapalar̃a Lazarus mo lo juruvi, pani enau a pa vano vara a pa r̃ohaia.”

¹²Nona tamlohi usuri la r̃aramia lara, “Tija, vara enia mo lo juruvi, enia i pa mele rongo i r̃uhu.”

¹³Iesu mo levosahia vara Lazarus mo mate, pani enira la lo r̃omr̃omia vara enia mo lo verea vara mo lo juruvi r̃omaliho purongo.

¹⁴Moiso Iesu mo vere tataholoia isara mara, “Lazarus mo mate,

¹⁵na avulahi matamim matan na sopo toho atu matan nake masapa matea vara ha pa tau na nomim rasua hiniau, r̃a vano isana!”

¹⁶Ale Thomas sei la lo tovia Havo, mo verea isan tamlohi usuri tinapua non Iesu atu mara, “Eh! Ha turu, r̃a vano! Enr̃a r̃a vano vara r̃a pa tolu mate peresi Moli.”