BƐBAATÍBƐ̀ 10:8-11

⁸kɛ́túótɛ́ dɛ kó dimɔ̀nnì kɛ́tuɔkɛnɛ̀ yɛbie ntɛpíítɛ̀ nɛ̀ yɛ̀ni kɛ̀ bɛ̀ nfɛ̃́ũnko Isidɑyɛɛribɛ, bɛ̀ɛ̀ kó dimɑ̀ɑ̀ bo kukó nSuditɛ̃ɛ̃ yɑ́ɑ̀, Amɔriibɛ tenkɛ̀ Kɑdɑɑdi tempɛ̃ nkɛ bɛ̀ diinko mɛsémmɛ̀.

⁹Kɛ̀ Amɔniibɛ séntɛ́ní Suditɛ̃ɛ̃ kɛ bo dokɛ́nɛ̀ Sudɑɑ nɛ̀ Bɛnsɑmɛɛ nɛ̀ Efɑdɑimmu bɛ nɑɑ̀mùntì kɔbɛ. Kɛ̀ Isidɑyɛɛribɛ yɛ̀mmɛ̀ɛ cɑɑ̀rɛ̀ mɛdiɛ̀.

¹⁰Kɛ̀ bɛ̀ɛ kuɔ́nnɛ̀ ti Yiɛ̀ nKuyie nkɛ dɔ̀: Ti cɑ̀ɑ̀rɛ̀mu mɛdiɛ̀ nti dɑ yóumɛ̀ fɔ̃́ nwèè ti te, kɛ feu yɛbɔkɛ̀ Bɑɑdibɛ.

¹¹Kɛ̀ ti Yiɛ̀ nKuyie mbɛ̀ tɛ̃̀ńnɛ́ kɛ dɔ̀: Esibiti kɔbɛ nɛ̀ Amɔdiibɛ nɛ̀ Amɔniibɛ nɛ̀ Fidisitɛ̃ɛ̃bɛ nɛ̀ Sidoniibɛ nɛ̀ Amɑdesiibɛ nɛ̀ Mɑɔ̃ɔ̃niibɛ bɛ̀ do di fɛ̃́ũnko kɛ̀ di n kuɔ́nnɛ̀ kɛ̀ n yí di dɛɛtɑ́ɑ̀?