4येसु बोक्शा, आ तार फेक्शो रिम्शो वा प्रुइश्शा, वा कामी गिल्साक्व।
5मिनु चिक्तीकेमी ब्वाक्कु कुर पा, आ शेंसीब आन खोइल चिक्ताक्मी। चिक्शा ङा मिन आ गिल्सीशो वाम फिक्ताक्मी।
6मिनु सिमोन पत्रुस आ पालो जाक्मेनु, मेकोमी येसु कली “प्रभु, गेमी आं खोइल चिक्चा दुम्बा ङा?” देंत।
7मिनु येसुमी “मुल आं पशो मरुप्नेवे। गे नोले ला रुप्नेवे” देंत।
8पत्रुसमी “गो आं खोइल चिक्चा काइ मगेनुङ” देंत। मिनु येसुमी “गो इ खोइल मचिक्ताक्न हना, गे आं मुर मनवे” दे माइक्तु।
9मिनु सिमोन पत्रुसमी “प्रभु, आं खोइल ला ममाइ, आं गुइ पिया यो चिक्तीनी” देंत।
10येसुमी “चिक्शो मुर आन कली लेंशा चिक्चा ममाल्ब। खोइल ला चिक्चा माल्ब। खोइल चिक्शोनु, नेल्ल रिम्शो दुम्ब। गेपुकी चिक्सीशो दुम्तीनी। काइ मचिक्सीशो गेपुकी नु का बाक्ब” देंत। यूहन्ना १५:३
11येसुमी आ कली साइक्ब आन कली वारच पाइब कली तुइश्शा मो देंत।
12मिनु येसुमी आन खोइल चिक्ने थुम्शा, आ ङोंइती प्रुइश्शो फेक्तीक फेक्शा, आ बाक्तीक लत। मिनु शेंसीब आन कली “इन कली पशो गेय आ अर्थ मार बाक्बा, गे तुइक्नीनी?
13गेपुकीमी आं कली शेंब नु प्रभु देंनीनी। मेको ठीक देंतीनी। मारदे हना गो मेकोन नङ। मत्ती २८:८,१०
14गो प्रभु नु शेंब दुम्शा यो इन खोइल चिक्ताक्न्नी। गेपुकीमी यो इन खोइल चिक्मुचा माल्नीनी। लूका २२:२७