Yowane 13:4-14

⁴Ede Yesu kabakaikai hatahatana ye tologabaei, na yona likwakewa luwuluwuna ye haigabaei, na sauwela ye hai ede duwaduwalina wa unai ye pai.

⁵Na kabo waila ye ini disi hesau unai, na ye hetubu yona hekahekatao kaediyao ye deulidi, na duwaduwalina unai sauwela ye pai wa unai ye saudi.

⁶Huyana ye laoma Petelo unai, ede Petelo ye hededelau unai ye wane, “Guiyau, kabo kaegu ta hinage ku deulidi?”

⁷Yesu ye hededebui ye wane, “Saha ya ginaginauli ta sola nige ku nuwatulobai, na mulinawai kabo ku nuwatulobai.”

⁸Petelo ye wane, “Tabu kaegu ta ku deudeulidi.” Yesu ye hededebui ye wane, “Na ena taba nige kaem ne ya deulidi, mamohoi, meta kowa nige gonowana yogu tamowai hesau.”

⁹Petelo ye wane, “Guiyau, besi, nige kaegu ta se bom, na nimagu yo kulugu hinage ku deulidi.”

¹⁰Yesu ye hededebui ye wane, “Kaiteya ye duiko meta tauna maudoina ne ye aꞌako, unai taba nige ye duiꞌuyo, na kaena se bom mo taba ye deulidi. Komiu maudoimiu ne kwa aꞌako, na kesega mo meta nigele.”

¹¹Yesu kabina ye kata meta kaiteya kabo kana ye walohai, ede ye hedede ye wane, “Komiu maudoimiu ne kwa aꞌako, na kesega mo meta nigele.”

¹²Yesu kaediyao wa ye deulidi ye gehe, ede yona luwuluwu wa ye luwuiꞌuyoi na ye uyo yona kabakaikai wa unai, na ye henamaiyedi ye wane, “Saha ya ginauli ta kwa nuwatulobai e nige?

¹³Komiu hesagu kwa katai Taulauhekata yo Guiyau. Meta ye dudulaikalili. Temeta kagu kao ede.

¹⁴Na ena yau, yomi Guiyau yo Taulauhekata, kaemiyao ta ya deulidi, bena komiu hinage kami kahao kaedi kwa deulidi yo siya hinage kaemiu se deulidi.