Juan 13:4-14

⁴Zee snee gorna kayawxchee re xaa, nguxso xaa roo mes nu mlache xaa tub ler nak xaa, nu mzhi xaa tub tway leen xaa.

⁵Zeera mlo xaa nis leen tub bandej, nu mzelo xaa mdeeb xaa nii re nu, xaa mseed lo xaa, nu nsekwizh xaaya kwaan tway kwaan mzhi xaa leen xaa.

⁶Gorna nzha xaa keeb xaa nii Simón Pér, xaa ne nzhé lo xaa: —Xaa Nabeyy, ¿napa nel lu keeb nii na?

⁷Jesús mkeb nzhé: —Nal nanlat kwaan kale na yek lu, per gwluzh laya yek lu.

⁸Pér nzhé: —¡Tira nazeyalt na keeb lu nii na! Jesús mkeb nzhé: —Chelee na nakeebt na nii lu, nyent mod gak lu xaa na.

⁹Simón Pér mkeb nzhé: —¡Cheleeya sbaaya, Xaa Nabeyy, nakeebta lu nebse nii na, noka bsenag na nu noka bseguch na!

¹⁰Per Jesús mkeb nzhé: —Lee xaa ngozla, nankintra gaz xaa stuba, nel nzhula na xaa. Nu nzhul na re gu, per nixa naretlaka gu nzhul na.

¹¹Leezha nzhé xaa: “Naretlaka gu nzhul na”, snee nzhé xaa nel nela xaa xana xaa zaa xaa lo re xaa gut xaa.

¹²Gorna ngulo mdeeb Jesús nii re xaa, nu ngok xaa xab xaa nu mbare xaa roo mes stub welt nu nzhé xaa lo re xaa: —¿Che mla kwaan mle na yek gu?

¹³Lee re gu nii lo na Maestr nu Xaa Nabeyy, nu wen nle gu nii guya sbaa, nel nak naya.

¹⁴Mdeeb na nii re gu, nixa nak na Xmaestr gu nu Xaa Nabeyy lo gu, zee noka re gu nzhaal keeb nii wechxinn gu.