John 13:4-14

⁴Ma aram me sak’iy Jesus ngalang u tebel, me luf e thal ni wuru’ e mad rok, me bachiy bangi tawol nga lukngun.

⁵Me pu’og boch e ran ngalan baraba’ i ban’en ni yima maluknag ayiy ngay me tabab i maluknag e rifrif u ay pi gachalpen me faley e rifrif u ayrad ko fa gi tawol nike bachiy nga lukngun.

⁶Me taw ngak Simon Peter, ni aram e cha’ ni yog ngak ni ga’ar, “Somol, ngam luknag e rifrif u eg?”

⁷Me fulweg Jesus ngak ni ga’ar, “Da mu nang e chiney fan e n’en ni gu be rin’, machane bayi reb e rran ma ga nang fan.”

⁸Me ga’ar Peter, “Ri dab mu luknag e rifrif u eg!” Me fulweg Jesus ngak ni ga’ar, “Fa’anra dab gu luknag e rifrif u em ma dab kum mang reb i gachalpeg.”

⁹Me fulweg Peter ni ga’ar, “Somol, ere gathi kemus ni rifrif u eg e ngam luknag! Ya ngu’um luknag pa’ag nruw raba’ nge lolugeg!”

¹⁰Me yog Jesus ni ga’ar, “Cha’ nike maluk e ke be’ech downgin ndab ki maluk, ma kemus ni rifrif u ay e nge maluknag. Gimed gubin ni kam be’echgad — machane ta’abe’ e dawor.” (

¹¹Ya manang Jesus e en ni ir e bayi yagnag; aram fan ni ga’ar, “Gimed gubin ni kam be’echgad, ma ta’abe’ e dawor.”)

¹²Ma nap’an ni mu’ i luknag e rifrif u ayrad me yin’ Jesus e thal ni wuru’ e mad rok nga daken me sul nge par nga tagil’ u tebel. Me fith ngorad ni ga’ar, “Kam nanged fan e n’en ni ka fini gu rin’ ngomed?

¹³Gimed ma pining Tamchib nge Somol ngog ma bmat’aw ni gimed be rin’, ya gag.

¹⁴I Gag e Somol romed nge Tamchib romed, ma ka fini gu mu’ i luknag e rifrif u aymed. Ere nge bigimed mi i luknag e rifrif u ay bigimed.