SAN JUAN 13:4-14

⁴Wüx alchetemoj teaüetiw, quiaj witiüt Teat Jesús, taxeend najal apix mapeech quiaj, tayar noic püy tatsaag teomeaats.

⁵Quiaj tayar tigüy yow mateng tiül palangan, tapots majants oleaj minipilan nej. Condom tajond naag aaga püy leaw almatsaag teomeaats nej.

⁶Wüx laámb apmajants oleaj teat Simón Pedro, quiaj tasaj nej: ―Teat, ¿ique apmerjants xileaja? ―aj nej.

⁷Quiaj tasaj nej Teat Jesús: ―Nganüy ngo mejaw neol tarangas, pero alinoic nüt apmejaw ―aj nej.

⁸Quiaj tasaj nej teat Pedro: ―Ngwüy teat, ngome apmejants xileaj ―aj nej. Teat Jesús tasaj nej: ―Sitiül ngo meaach xic narang aag ayaj, ngome apmejlüy tiül xenipilan ―aj nej.

⁹Quiaj tasaj nej teat Simón Pedro: ―Sitiül atquiaj ajlüy Teat, ngome áagan xileaj ijants, at xiwix, ximal aton ―aj nej.

¹⁰Teat Jesús tasaj nej: ―Jan les ndot axeeb lango metam maxeeb alinomb cos nerixix ombas, áagan oleaj nej netam majants. Icona ijlüyiün nerixixan, pero naleaing ngome meáwan ―aj nej.

¹¹Cos Teat Jesús lamajaw jane apmayac nej teowixaw monajiüt, áag tapiüng: “Ngome meáwan icona nerixixan ijlüyiün”, maw.

¹²Wüx landoj majants nej oleajiw, quiaj tasooig apix nej chetet alinomb. Tasaj nejiw: ―¿Ijawana neol tarangas aaga yaja?

¹³Icona isajan xic Maestro, at isajan xic Teat Xan. Najneaj, atquiaj netam cos xique minatangan, aton xique nequiaach icon.

¹⁴Sitiül xique minatangan, aton xique nequiaach icon, nganüy lanajants ileajiün, atquiaj icona aton netam mejantsayon ileajiün.