San Juan 13:4-14

⁴Pur ningui lalzi ni cayundeb cenqui, Jesús güesuny. Chiy guléeny xabloyaany ax bldiibny tuby tuay láanny.

⁵Chiyru gudáany nis láani tuby nchaa par guzulo caguiibyny nii de xpɨnny ax rsbizny niideb cun tuay ni llii láanny.

⁶Chi zétiibny nii Simóny Bed, ax raipbɨ laany: —Dad, quɨt riáldti quiibbiu de niia.

⁷Jesús cuaibny: —Anre quɨt racbeetiu xi zelo ni cayuna, per teru chúu chi gacbiiu.

⁸Chiy raipy Bed laany: —Per nare quɨt chúuti dxi isaana quiibbiu niia. Jesús ax cuaibny: —Belati quɨt quiibia de niiu, aquɨtru nátiu xpɨnnia.

⁹Chiyru raipy Simóny Bed laany: —Güén pɨs, Dad, per gati de niistia sino que néza de naa ne quiaa.

¹⁰Per Jesús raipy laab: —Ni teste gudaz, de niisbɨ rquiiny chaady te pur iduibtecbɨ nania. Ne laat naniactɨ, masquɨ gati iratit.

¹¹Laany guniiny “masquɨ gati iratit” pur ni nánny tú gún entriagu laany.

¹²Chi gulull gudiibny nii de xpɨnny, chiy gubíi gudacuny xabloyaany. Chiyru guriny lo mɨlly stuby ax raipny laadeb: —¿Ta racbeet xi zelo ni bannía laat?

¹³Laat rniit nare Maistrɨ ne Dad, ne guldíctɨ narenquɨpacay.

¹⁴Anre nare ni naa Maistrɨ ne Dad agudiibia niit, ziygacza riáld gúntɨ, quiibytɨ nii de saat.