Juan 13:4-14

⁴Nis­paka, miku­nakuska­manda ata­rispa, kikin kata­raiaska katangata anchu­chi­rispa, tusta­chi­diru linsuta aisaspa, chumbi­lli­rirka.

⁵Sug uchulla batiapi iaku tallispa, paita kati­raiag­kunapa chaki­kunata maillai kalla­rirka. Chaki­kunata maillas­paka, chumbi­lli­raiaska lin­su­wa­mi chaki­chispa aparka.

⁶Simón Pedropa chakita mai­llan­ga­pa chaia­uraka, Pedroka tapurka: —Taita waugki, ¿kamchu nuka­pa chaki­kunata mai­lla­wan­kangi?

⁷Jesuska ainirka: —Nuka chasa rura­kuskata, kam kuna­ura mana iachangichu. Kipa­ma­mi ima ni­raiaskata iachan­ga­pa kangi.

⁸Pedroka nirka: —Kam, ñi ima­ura­pas mana nuka­pa chaki­kunata mai­lla­wan­ga­pa kangichu. Jesuska ainirka: —Nuka kamta mana mai­llag­pi­ka, kamka mana nuka­pa kan­ga­pa kangi­chu.

⁹Chi­ura, Simón Pedro nirka: —Taita waugki, chasa kag­pika, chaki­kuna­lla­ta mana mai­lla­wai. Maki­kuna uma­wan­ta arma­chi­wai.

¹⁰Jesuska nirka: —Mai­kan ña armaska kaskata mana ikuti maillai minis­tinchu. Chasa armaska, ñi ima mana mapa kan­chu. Chasa­lla­ta, kam­kuna armaska­sina­mi kan­gi­chi; nig­pika tukui­kunaka, manima—.

¹¹Jesús, pi paita api­chin­ga­pa kagta iachas­pa­mi nirka: “Nig­pika, tukui­kunaka mana armaska­sina kan­gi­chi­chu”.

¹²Ña tukui­kunapa chaki­kunata maillaspa, paipa kata­ri­diruta kata­rispa, ikuti sug­lla­pi tia­rig­rirka. Nis­paka, nir­ka­kunata: —Nuka ima kam­kunata ruras­ka, ¿iachan­gi­chi­chu ima ni­ra­iag­ta?

¹³Nukata, kam­kuna ni­wan­gi­chimi: “Iacha­chig taita” i “Iaia Jesús”. Chasaka, alli­lla­mi ni­wan­gi­chi. Chasa­mi kani.

¹⁴Nuka, kam­kunapa iaia i iacha­chig taita kaspa­pas, kam­kunapa chaki­kuna­ta­mi maillarkai­ki­chita. Chi­manda­mi kam­kuna­ta­pas chasa­lla­ta chaia­ku, kam kikin­pura mailla­na­kun­ga­pa.