SAN JUAN 13:4-14

⁴Ñàyùcàndùá, nì nacoo‑ya ñà‑xìxí‑yá, te nì ndacuiin‑yà, nì tavà‑yá dùhnù quihín‑yà, te nì chicuhni nihni‑ya iin sìcoto caní tìxi‑ya.

⁵Daaní, nì tnii‑ya iin tina, te nì dàchìtù‑yáñà tècuìí, dandu nì quesaha‑yá nacáté‑yá sàhà nècuàchì dacuahá‑yá, te después nì nsida ìchí‑yàñà xì sìcoto cani‑ma.

⁶Te na ní sàà‑yà ndé iá Simón Pedro, dandu nì cachi‑nè xì‑yá: ―¿A ndisa cuní‑nî nacate‑ní sàhí, Señor mío?

⁷Te nì cachi‑yà xì‑né: ―Vichi có‑sânìhì inì‑ní índù iñàha nduá cuàhìn quide xì‑ní, doco vàxi iin quìvì, dandu sàà‑ní cundaà vàha inì‑ní.

⁸Dandu nì cachi‑nè xì‑yá: ―¡Còó! ¡Mà nunca cuàhi nacate‑ní sàhí! Te nì cachi tu‑ya xì‑né: ―Nú màsà nácátí sàhà‑ní, mà cúí cunduu‑ní nèhivì xí.

⁹Te nì cachi tu‑ne xì‑yá: ―Señor mío, nú ducán nduá, dandu nacate stná‑ní ndahí xì dìní, te màdìá cuisì sàhí.

¹⁰Dandu nì cachi‑yà xì‑né: ―Cunaha‑ní, nú làcà nì xichi iin nèhivì, còò necesidad cuchi tu‑ne, vàchi sà‑ìá ndoo inicutu ìcà‑né, cuisì sàhà‑né (cúdi), te ñà‑jaàn xiñuhu ndoo. Te ducán iá stná xì mii‑nsiá vichi, sànì ndoo vàha dahuun anima‑nsià. Doco màdì nsidaa‑nsiá iá ndoo‑nsia.

¹¹Ducán nì cachi‑yà, vàchi ináhá‑yâ ana cuàhàn dicò xì‑yá, ñàyùcàndùá nì cachi‑yà: “Màdì nsidaa‑nsiá iá ndoo‑nsia”.

¹²Daaní, nì nsihi nì nacate‑ya sàhà‑né, dandu nì nàcùndixi‑ya dùhnù quihín‑yà, te nì sàcòo‑ya. Te nì cachi‑yà xì‑né: ―¿A cundáà inì‑nsia índù chuun nì quide xì‑nsiá ducán?

¹³Pues Maestro cachí‑nsià xìˊ, te Stoho‑nsì Señor cachí stná‑nsià xìˊ. Te vàtùni iámà, vàchi divi nduí.

¹⁴Doco cunaha‑nsiá, mate maestru xi‑nsia nduí, te stoho‑nsià nduí, doco nì nacati sàhà‑nsiá. Ñàyùcàndùá, stná mii‑nsiá ndiá ìcà‑nsiá nacate stnahá stná‑nsià sàhà‑nsiá.