YOHANA. 13:4-14

⁴avo kenuka kulawa haja hameza, kasegeza kitambi chake cha kuigubika mmaega, kaifunga na kitambala mkigudi chake.

⁵Abaho, kagela mazi mkiteleko, kasonga kuwanava magulu ga wanahina zake na kuwahangusa na ikitambala kikalile mkigudi chake.

⁶Keza ha Simoni Petulo, Simoni Petulo kamulongela, “Mndewa, gweye konda kuganava magulu gangu?”

⁷Yesu kamwidika, kalonga, “Kinitenda nie hukimanya sambi baha, ila kokimanya kumwande.”

⁸Petulo kamulongela, “Bule, gweye huninava nie magulu gangu!” Yesu kamwidika, kalonga, “Kamba sikunavile gweye, hauli hamoja na nie.”

⁹Simoni Petulo kamwidika, kalonga, “Mndewa, siyo magulu gangu geiyeka, vivija ninave na makono na pala jangu!”

¹⁰Yesu kalonga, “Munhu yogile kang'ala lukuli lwose, ila magulu gake gago golondigwa kunavigwa. Mweye mung'ala, ila si mose.”

¹¹Yesu kakala yammanyile munhu yalihi yondayamuhonze, kileka mana yalongile, “Si mose mung'alile.”

¹²Yesu viyamambukize kuwanava magulu gao, kaigubika kabili kitambi chake, abaho, kabwela haja hameza hayakalile, abaho, kawauza, “Mkimanya kija kiniwatendele sambisambi?

¹³Monikema nie Mkulufunzi na Mndewa, motenda goya, kwavija avo vivo nili.

¹⁴Kamba nie na Mndewa wenu na Mkulufunzi wenu niwanava magulu genu, vivija na mweye molondigwa mkiinave magulu mwemwe kwa mwemwe.