Ra̱ Xuua 13:4-14

⁴Mɛ̱nte si̱hmɛ̱ p'ʉya, bi̱ nangbʉ ja ra̱ mɛ̱xa mi̱ hu̱di̱, bi̱ møhrá̱ tu̱hu̱, bi̱ ngʉt'a̱ n'na ra̱ toaya p'ʉya.

⁵Bi xitra̱ dehe p'ʉ ja n'na ra̱ bandeja, bi̱ merpa̱ yø gua yø xädi. I du̱jpa̱ ra̱ dehe conna̱ toaya di̱ ngʉt'i.

⁶Nu̱'mø ya mmap'ʉ da̱ merpa̱ yø gua ra̱ Bɛdu p'ʉya, ra̱ Bɛdu bi 'yɛ̱mbi̱: ―Ague grá̱ Hmu̱, ¿ua 'nɛ̱cä gui perca̱gui̱ ma̱ guagä?

⁷Mi̱ da̱hra̱ Jesús, bi 'yɛ̱mbi̱: ―A nu̱yá, hi̱nguí̱ pa̱di̱ te ga̱ mbøn'a̱ te dí øt'ä ya, pɛ gui pa̱'a̱ m'mɛfa te ga̱ mbøni̱.

⁸Mi̱ da̱hra̱ Bɛdu p'ʉya, bi 'yɛ̱mbi̱: ―A nu̱gä hi̱nda̱ zä gui perca̱ ma̱ gua. Mi̱ da̱hra̱ Jesús, bi 'yɛ̱mbra̱ Bɛdu: ―Nu̱'mø ngue hi̱nga̱ pet'a̱ ni̱ gua, ya hi̱mma̱ n'youi 'mø.

⁹Bi 'yɛ̱nna̱ Bɛdu p'ʉya: ―Ague grá̱ Hmu̱, hi̱nga̱ hørma̱ gua gui perca̱gui̱ 'mø, gui pega̱gui̱ ma̱ 'yɛ 'nɛ̱ gui hiqui.

¹⁰Pɛ ra̱ Jesús bi 'yɛ̱mbi̱: ―Nu̱ ra̱ ja̱'i̱ ya m'met'e, ya bi bo gä rá̱ do'yo. Ya hi̱nda̱ høndyø gua ja ngue da̱ 'berpa̱bi̱ ra̱ ja̱'i̱. Ya gä m'meque'a̱hʉ ngue ra̱ nts'o, hi̱nda̱ hønda̱ n'na'a̱hʉ ngue hi̱nga̱ m'meque.

¹¹Bi̱ ma̱nna̱ ra̱ hya̱ na̱ ngue hi̱nga̱ gätho m'mequebi yø mmʉi yø xädi ngue ra̱ nts'o, porque pa̱di̱ ndana̱ gue'a̱ ja ngue di dä.

¹²Mi̱ juadi bi̱ mejpa̱ yø gua yø xädi p'ʉya, ma̱hømbi̱ hye rá̱ tu̱hu̱ ra̱ Jesús. Bi̱ mi̱p'ʉ ja ra̱ mɛ̱xa ma̱høn'a̱ p'ʉya. Bi 'yɛ̱mbi̱: ―¿Ua guí pa̱di̱ te dá̱ øt'a̱hʉ ya?

¹³Nu̱'a̱hʉ guí ɛ̱njʉ ngue drá̱ xännba̱tegä, 'nɛ̱ drá̱ hmu̱gä. Pɛ gue ni̱ 'yu̱p'ʉ te guí xicjʉ, porque go guecä drá̱ xännba̱tegä 'nɛ̱ drá̱ hmu̱gä.

¹⁴A nu̱'mø ngue drá̱ xännba̱tegä 'nɛ̱ drá̱ hmu̱gä, 'nɛ̱ dí pet'a̱ ni̱ guahʉ, xquet'a̱ nne ngue guí̱ njahʉ p'ʉya. Guí̱ mpejpa̱ ni̱ gua n'na ngu̱ n'na'a̱hʉ.