San Juan 13:4-14

⁴Ica non, ihcuac otlacuahtoyah non youal, Jesús omoquitzteu de icah mesa, ocquixtih niololol uan ocan se tilmahtli uan ica omotlahcoilpih.

⁵Ompa octlalih atl itich se tlacaxotl uan opeu quinxopahpaca nitlasalohcauan, uan oquinxouatzaya ica in tilmahtli tlen ica otlahcoilpitoya.

⁶Ihcuac Jesús yocxopahpacasquia in Simón Pedro, Pedro oquihtoh: —NoTecotzin, ¿touatzin itnechonxopahpacas?

⁷Jesús ocnanquilih: —Tlen neh inchiutoc, amo itconahsicamati axan, yehyeh satepan itconahsicamatis.

⁸Pedro oquiluih: —Neh ayic itnechonxopahpacas. Jesús oquiluih: —Tla amo inmitzonxopahpacas, amo tonpouis nouan.

⁹Pedro ihcuacon ocnanquilih: —NoTecotzin, tla ohcon amo sayeh nocxiuan, tlamo yeh noiuqui nomauan uan notzonticon.

¹⁰Jesús oquiluih: —Naquin yaquin yomaltih ya nochi chipauac, acmo moniqui itlah ocse tlamo sa moxopahpacas. Uan namehuantzitzin ya namonchipauaqueh, masqui amo namonochtin.

¹¹Jesús ocmatia aquih ictemactis. Ica non oquihtoh: “Amo namonochtin namonchipauaqueh.”

¹²Ihcuac oquintlamixopahpacac, ocsipa ocaquih nitlaquen, omotlalito icah mesa uan oquimiluih: —¿Nanconahsicamatih tleca ohcon onicchiu namouantzin?

¹³Namehuantzitzin nannechonnotzah “Tlamachtani” uan “noTeco”, uan cuali quen nannechoniluiah, pues yeh milauac.

¹⁴Uan tla neh onnamechonxopahpacac, uan yeh innamoTeco uan innamoTlamachtihcau, ohcon noiuqui namehuantzitzin xonmosepanxopahpacacan.