Yontu 36:2-12

²Mɑ cɛkənɑ Ɩsɔ tɔɔ kʋllʋ kʋyɔɣɔtʋtʋ, sɩ: Ɩsɔ sɔɣɔntʋ tɑ kɛ mɑɣɑ pʋlʋpʋ.

³Pə puɣusiɣi-ɩ kɛ́ sɩ ɩ kɛ́ kʋpɑŋ ɩlɛ ɩɩ cɛkəɣənɑ ɩ ɩsɑɣɑtʋ sɩ ɩ́ kisi-tɩ.

⁴Ɩ kʋyɔɣɔtʋtʋ tənɑ kɛ kɑloolɑɣɑ nɑ kʋtʋsʋtʋ kɛ́. Ɩ fɛɩ ləmɑɣɑsɛɛ, pə́cɔ ɩ tɑ nyɩ kʋpɑntʋ lɑpʋ.

⁵Ɩ təhəntəlɛ kɛ ɩ mɑɣɑsəɣɩ mpi pə tɑ siɣisi tɔ pə tɔm, nɑ ɩ́ təŋəɣɩ mpɑɑʋ ŋku kʋ fɛɩ teu tɔ, ɩɩ lɔɔkɩ ɩsɑɣɑtʋ.

⁶Tɑcɑɑ nyɑ́ kʋpɑntʋ wɑlɑɑ kɛ́ ɩsɩɩ ɩsɔtɔnʋɣʋ nɑ nyɑ́ teu nɑ́ɑ́ kɑləsənɑ ɩsɔŋmʋntʋ.

⁷Nyɑ́ siɣisuɣu kɑɑwɑɣɑ ɩsɩɩ pulɑsɩ. Nɑ nyɑ́ kʋmɑɣɑsʋtʋ nɑ́ɑ́ lumɑɑ ɩsɩɩ teŋku. Nyɑ́ wɑɑsəɣənɑ yəlɑɑ nɑ tɔlɑ.

⁸Hɑɩ, Ɩsɔ nyɑ́ kʋpɑntʋ tewɑɣɑ. Nɑ yəlɑɑ ŋmɛləɣɩ nyɑ́ tɛɛ.

⁹Nyɑ́ təyɑɣɑ tɑɑ wɛnɑʋ kɛ n hɑɣɑsəɣɩ-wɛ, nɑ ń yeki nɑ pɑ́ nyɔɔkɩ nyɑ́ kʋpɑntʋ ɩsɩɩ lʋm.

¹⁰Nyɑ́ kiŋ kɛ weesuɣu sɛɛlʋ wɛɛ. Nɑ tə nɑɑkənɑ nyɑ́ nyɑɑləm.

¹¹Tɑcɑɑ lɑ kʋpɑntʋ kɛ mpɑ pɑ nyəmɑ-ŋ tɔ nɑ mpɑ pɑ təŋəɣɩ tɑmpɑnɑ tɔ.

¹²Kɑlɑmpɑɑnɩ tʋ ɩ́ tɑɑ fɛlɩ-m nɔɔhəlɛ. Pəyele ɩsɑɣɑʋ ɩ́ tɑɑ tɔɣɔnɩ-m.