La Bu 36:2-12

²Akihisah naovin amaho le amahoakijou lhepmun ichan geija giloulehphamo hiuvam ti akihet pouve.

³Athusei anatohna hou jousehiadihlou leh kijou lhepna ngen ahi. Chingthei tah a natoh leh thilphabol dinghi adatthei pouve.

⁴Jankhosot in ahah un thildihloutohgon tamtah agong jiuvin ahi. Atohdoh uhi apha khatcha aumpoi. Thilsea konna kiheidoh dingangaito mong mong pouve.

⁵O Pakai nami ngailutna longlouhivan bangin aki hohjale, nakitahnahin meilom kaina mun hohi akho khel e.

⁶Nadih na jong muolsang vumtobangaahi. Nathutandihdanjong twikhanglen thuhtah abang e. Nangin mihemleh ganhing hojongkibanga nangailut ahi.

⁷O Pathen nami ngailutna longlouhi eti mamtam hitam! Mihem jousen nami ngailutna lhaving limnoija chun choldo na anei ui.

⁸Nainsunga nehkemlou ann a chun navah van, kanglou nalui a twi chun nadon sah e.

⁹Ajeh chu nangma mihem hung kondohna twinah nahin, keihon kamu u vahjonghi nanga kon ahi.

¹⁰Pakai nangma ngailuho chung a nami ngailutna longlou chu londoh sah in, milung thengho chunga thu adih in tanpeh in.

¹¹Mi kiletsah ho neichotpha sah hih in, ahilouleh miphalouho sot tol le neihisah hih in.

¹²Ven! Thildihlou bolteho alhugam taove! Amahochu kithoudoh kit loudinga sot lhuh ahitaove. Midihte Le Migiloute Dinmun Kibah Loudan