1Tɑfiiti yontu. Ɩsɔtɑɑ nyə́mɑ mɛ ɩ́ sɑ Tɑcɑɑ. Ɩ́ pʋɣʋlɩ Tɑcɑɑ teeli nɑ ɩ sɔsɔɔntʋ tɔm.
2Ɩ́ sɑ Tɑcɑɑ hətɛ sɔsɔɔlɛ nɑ ɩ həntɩ-ɩ ɑtɛɣɛ sɑɑ wei ɩ hʋləɣɩ ɩ tənɑŋŋ wɛɛtʋ tɔ.
3Ɩsɔ teeli tʋ yekinɑ nɑ tɛʋ tiliɣi. Ɩnɩ ɩ holiɣinɑ lʋmnɑɑ tɔɔ. Ɩsɔ ŋmɑkəlɑ lʋm sɔsɔɔm kɛ́.
4Tɑcɑɑ nɔɣɔ nɩɩkənɑ toŋ kɛ́ nɑ sɔsɔɔntʋ.
5Nyɑ́ nɔɣɔ pɛləɣɩ tɩɩŋ sɔsɔɔŋ kɛ́. Nyɑ́ pɛləɣənɑ Lipɑŋ tɩɩŋ sɔsɔɔŋ.
6N lɑkɩ nɑ Lipɑŋ pʋɣʋ ŋmɑɑkɩ ɩsɩɩ lɑtəcɛ kʋfɑlʋ. Nɑ Hɛɛmɔŋ nyəŋkʋ ɩsɩɩ tɑɑlɛ nɑʋ kʋfɑlʋ.
7Tɑcɑɑ nyɑ́ nɔɣɔ lɑkənɑ nɑ tɛʋ ŋmɛləsəɣɩ.
8Nɑ kɑ ciɣitiɣi Kɑtɛɛsɩ wʋlɑɣɑ tɛtʋ.