SALMOS 29:1-8

¹Xijhueyichihuaca TOTECO, amojuanti aniilhuicac ejcahua. Xijhueyichihuaca TOTECO cati quipiya hueyi ichicahualis huan itatanex.

²Xijhueyichihuaca TOTECO por ihueyitilis, pampa ya nopa quinamiqui para yaya cati tahuel hueyi. Xijhueyichihuatij TOTECO cati itztoc campa tahuel tacuajcualtzi huan tatzejtzeloltic.

³Quema TOTECO camanalti, caquisti quej tatomonilot cati chicahuac ipan hueyi at. Itoscac Toteco Dios cati itztoc ipan ilhuicac caquisti quej tatomonilot ipan ilhuicac tahuel chicahuac. Quena, TOTECO itoscac monanquilía iixpa nopa hueyi at ica nochi ihueyitilis.

⁴Itoscac TOTECO quipiya chicahualisti. Quena, itoscac quipiya tahuel miyac chicahualisti.

⁵Itoscac tahuel temajmati huan quema TOTECO camanalti, quichihua para ma ixtzayanica tiocuame. Quena, Toteco quintapana nochi tiocuame ipan tali Líbano.

⁶Quichihua ma huihuipicaca nochi cuatitamit ipan talme Líbano huan Sirión. Quinchihualtía nopa cuame ma mojmolinica quej piltorojtzitzi huan pilhuacaxtzitzi cati huitontehuaj.

⁷Quema TOTECO camanalti, quimajcahua tilelemecti.

⁸Quema TOTECO camanalti, huihuipica nochi huactoc tali. Quena, hasta quichihua para ma huihuipica nopa huactoc tali Cades.