Sam 29:1-8

¹Nemi limixin lolos toxun pana at laxalibet, mina emi asu mi Leeme Silok, mina emi asu min mumu lisisixam la lolos teren.

²Mina emi asu mi laasen silok at Leeme Silok. Mina xis tintiding to melamgo at Laradi Melemelengan do ni na ru asuvos.

³Limixin di ronga laxaka at Leeme Silok to at levengkot axap at laras la lagale lo Moroa silok ik lox asuusu leretepaavat. Laxaka at Leeme Silok i onon to mavana at laras aaxa.

⁴Limixin di ronga i atla laxaka ren i silok la i lolos aleng.

⁵Laxaka at Leeme Silok ik sak pirivit larauna Seda (Cedar), keke i do ni larauna i silok aleng to Lebanon.

⁶Neni inglong angne larakaana ro Lebanon kusu dinat los ngan laxannatnat bulumaxao, la lakaana Emon nat los ngan lanat bulumaxao temes.

⁷Laxaka at Leeme Silok ik lox asuusu lavanga i mam.

⁸Laxaka ren i lox angne lamatbin, la ingnengne bok lamatbin to Kades.