Yesu Tɔ̃rɛ̀ 11:2-13

²Piɛri wɛ̃̀too dìì mɔ̀nnì Sedisɑdɛmmu, kɛ̀ Sifubɛ bɛ̀ɛ̀ tu Yesu kɔbɛ kɛ̀ bɛ̀ nhò kpɑ̀nnɛ̀ kɛ tú:

³Dɛ̀ dòmmɛ kɑ̀ɑ kɔ̀tɛ bɛ̀ɛ̀ í cɑ̃mmù bɛ ciɛ kɛ di wɛ̃nnɛ́ kɛ di?

⁴Kɛ̀ Piɛrii tuú nkɛ́ bɛ̀ nɑ̀kɛ́ dɛ̀ɛ̀ dɔ̀ɔ̀ dɛmɔu kɛ dɔ̀:

⁵N sòò bo Sopee ɛì miɛkɛ nkɛ, kɛ́ mbɑ́ɑ́ nKuyie, nkɛ̀ kù m bɛnkɛ dɛ̀mɑrɛ̀ kɛ̀ dɛ̀ dònnɛ̀ kuyɑ̀ɑ̀kù kɛ píítí tipíìtì tìnɑ̀ɑ̀, kɛ cutiní kɛĩ́nkɛ̀ kɛ n tɔ́ɔntɛnní kɛ̀ dɛ̀ n di.

⁶Kɛ̀ n wéntɛ́ dɛ miɛkɛ kɛ́yɑ̀ iwũɔ̃ itɑ̀ɑ̀kɛ ìnɑ̀ɑ̀ kpɛyi nɛ̀ iwɑ̀ɑ̀kɛ nɛ̀ tinɔ̀tì timɔu botí,

⁷kɛ́keè mɛtɑmmɛ̀ mɑmɛ̀ túmɛ̀: Piɛri ítɛ́ kɛ́kuɔ kɛ́cɑ́ɑ́kɛ́.

⁸Kɛ̀ n dɔ̀: Áɑ̀ n Yiɛ̀! N yí di diyiè mɑrì ikuɔ́ ci dɛ̀ nɛ̀ dɛ̀ɛ̀ í wenni.

⁹Kɛ̀ mɛtɑmmɛ̀ɛ yíɛ́ kɛ dɔ̀: Bɑ́ nwúó ndɛ̀mɑrɛ̀ Kuyie nyĩ dɛ̀ɛ̀ wenni kɛ tú dɛ̀ sĩ̀.

¹⁰Kɛ̀ dɛ mmɛ nhɔ̃ kɛ dɔ̀ kucɛ mɛ̀tɑ̃ɑ̃ti kɛ́wɛ̃too kɛĩ́nkɛ̀.

¹¹Dɛ mɔ̀nnì kɛ̀ bɛnìtìbɛ̀ bɛ̀tɑ̃ɑ̃ti tùɔ̀kɛní kɛ boní Sesɑdee kɛ̀ bɛ̀ bɛ̀ tɔ̃nní m borɛ̀.

¹²Kɛ̀ Muyɑɑ́nsɑ̀ɑ̀mù n nɑ́kɛ́ kɛ dɔ̀: Kɔtɛ kɛ bɑ́ nyĩɛ̃̀kù. Kɛ̀ ti kɔbɛ bɛkuɔ̀ biɛ nni ncíe nkɛ̀ tí kɔtɛ kɛ́tɑ Kɔrinɛi cĩ́ɛ̃̀tɛ̀.

¹³Kòo ti nɑ́kɛ́ ò yɑ̀mɛ̀ Kuyie ntɔ̃nnì o cĩ́ɛ̃̀tɛ̀ miɛkɛ, kɛ̀ dì ò nɑ̀kɛ́ kɛ tú: Wèe tɔ̃ mbɛnìtìbɛ̀ Sopee kɛ̀ bɛ̀ɛ yúní Simɔɔ bɛ̀ tú wè Piɛri.