Acts 11:2-13

²Ma maranai Peter i ḡeta me au Jerusalem tauvitumaḡana mai Jew ḡelaui tauna i eni i pa,

³“Tam Jentail ai au numa u rui, ma maiteni u am!”

⁴Anina ma kaua menanare i tuputupuanei anatapuna Peter taui i pariverei:

⁵I riwa i pa: Maranai a raraupari au Joppa ma matauei kaua a inanai, ma purapura inanana me puru ḡaeḡaena adana 4 i vojijini ma marei i tere-ḡaireiai awariu.

⁶Au orana a inana lamna ḡamoḡamo maramaraḡamai ma moduei, tetetei me mota ma kiu au aidamo lavelavei.

⁷Ma pona a nonori i pa, “Peter ma vomairi, ma viraḡena ma ma am!”

⁸Tau a paribelei, “Eḡa! Lamna eḡa melanai ana kauei. Eḡa melanai lam viviḡana ata am-dadani.”

⁹Wate pona marei mara viruaina i babani, “Aiwai purapurana God i riwa da i ai, tam eḡa ma riwa da i apoapoe.”

¹⁰Mara tonuḡa wenanare i tupua, ma puruna i ḡaiana-melei au mara.

¹¹Nai maranaina mai Caesarea ai rava tonuḡa i paripari-tawaneiai, au metaeta i raumairiei.

¹²Ma Arua Vivivireina i riweu da eḡa aiwai ana notai ma orau taputapunei ana nae. Mai Joppa tauvitumaḡana 6 maiteni a nae ma ravana ana au numa a rui.

¹³Cornelius i riwelai da anela awarina i eḡa, ma i riwei, “Rava ma paritawanei au Joppa da rava wavana Simon Peter ina neiai.”