تَرُشُي 11:2-13

²ثِيّرِ تٌ تٍ دَرِ سَلَمُ، يُوِقِ دَنشَنِيَتْييٍ نَشَ عَ كَلَمُ، «عِ بَرَ سٌ سُننَتَرٍيٍ شْنيِ،

³وٌ بِرِن بَرَ وٌ دّفٍ!»

⁴عَوَ ثِيّرِ نَشَ قٍ بِرِن تَفِ رَبَ عٍ بّ عَ دَنفِشِ كِ نَشّ.

⁵عَ نَشَ عَ مَسٍن، «ﭑ نُ نَ يَقَ تَا نَن كُي. ﭑ نَ عَلَ مَشَندِقٍ تّمُي نَشّ، ﭑ نَشَ لَامَتُنيِ تٌ. سٍ ندٍ نَشَن مَنِيَشِ دُفِ شُنفبٍ رَ، عَ شِرِشِ عَ تُنشُن نَانِيٍ مَ، نَ نَشَ فٌرٌ كٍلِ كٌورٍ مَ هَن ﭑ يِرٍ.

⁶ﭑ نَشَ عَ عِفبّ عَ قَنيِ رَ. ﭑ نَشَ شُرُ سٍيٍ، وُلَ سُبٍيٍ، بُبُسٍيٍ، نُن شْنِ بِرِن تٌ عَ كُي.

⁷شُي ندٍ نَشَ عَ قَلَ، ‹ثِيّرِ، كٍلِ، عِ سُبٍ ندٍ قَشَ، عِ شَ عَ دٌن.›

⁸كْنْ ﭑ نَشَ عَ قَلَ، ‹عَدٍ، مَرِفِ. ﭑ مُ نُ سٍ رَهَرَ مُشِ دٌن سِندٍن، شَ نَ مُ عَ رَ سٍ سّنِيّنتَرٍ.›

⁹شُي نَشَ وْيّن ﭑ بّ عَ قِرِن ندٍ، ‹عَلَ بَرَ نَشَن نَسّنِيّن عِ نَشَ عَ قَلَ عَ سّنِيّنتَرٍ.›

¹⁰نَ نَشَ رَبَ سَنيَ سَشَن. نَ شَنبِ، عَ بِرِن مَن نَشَ تٍ كٌورٍ مَ.»

¹¹«نَ تّمُي مِشِ سَشَن، نَشٍيٍ نُ شّيشِ ﭑ يِرٍ كٍلِقٍ سٍسَرٍ، عٍ نَشَ تِ مُشُ شَ بَنشِ نَادّ رَ.

¹²عَلَ شَشِلِ نَشَ عَ مَسٍن ﭑ بّ عَ مُشُ بِرِن شَ سِفَ، عَ هَلِ ﭑ مُ سِيكّ. يِ شّمّ سٍننِ نَشٍيٍ يِ كِ، عٍ قَن نَشَ ﭑ مَتِ نَا. مُشُ تٌ سٌ كٌرٌنٍلِيٌ شْنيِ،

¹³عَ نَشَ عَ يَبَ مُشُ بّ عَ مَلٍكّ تٌشِ عَ شَ بَنشِ كُي كِ نَشّ. مَلٍكّ نَشَ عَ مَسٍن عَ بّ، ‹مِشِ شّي يَقَ، عَ شَ قَ سِمْن نَ، عٍ نَشَن شِلِ قَلَمَ ثِيّرِ.