HECHOS 11:2-13

²Cuahn che nta̱ Pedro ya̱n Jerusalén ne, ihyan nación yahn Israel che ritahno ye Dihvo vo ne, ra̱hva ye nduco ye.

³Tumerune ihyan chahn: ―¿Dehco che chehn va̱co ihyan ta̱ma nación, cheh da̱ma nduco ye ne?

⁴Tuhme neca̱h cuande Pedro ihyan chahn nducuahn che chi:

⁵―A̱ma ro cuahn che quenán ya̱n Jope ne, ura che revá̱h ne, chinahn a̱ma vederihno ná̱n. Ndihcheró a̱ma che deca̱ ro tino chahte tihca̱ ro, ne nechiche nduh che cun esquina yahn, chica na̱n ro, cochahn cua̱co na̱n che quenún.

⁶Cuahn che chihco ndáh cuda̱do deh chenun chete ne, ndihcheró ite che cun ca̱h te ma̱n, ite chano ma̱n, cu ma̱n, ya̱hda ma̱n,

⁷ne chihneván ndudo che ra̱hn: “Pedro, cuihne ite sih, cocheh ite.”

⁸Ate ndahconán: “Dihvé, hua, te nde menahn metah chéh nde a̱ma ite che chihnga̱ te.”

⁹Tuhme ndaconan ndudo me nde na̱n ro: “Cha che u, Dendiohs, a nedin davé ne, hua quendi ndedecadine che chihnga̱.”

¹⁰Ino co ndaconan chinahn vederihno me ná̱n, ne conda̱ cua̱hn na̱n ro.

¹¹A ura min no nda̱ ino se che rinuhn se u, che chica se nde ya̱n Cesarea.

¹²Chihquentiyon Vaco Dendiohs che hua dehve ra̱hcó, cá̱hn nduco se. Namin a̱n dino vo chuhn ne, chinduco ye u, chahn nuhn va̱co a̱ma sa̱hn,

¹³che nte cuande se nuhn che ndihchero se a̱ma ángel che chandi ye, chihto na̱n se ndeva̱co se, ne tuhca̱ ra̱hn ye ri ye sa̱hn: “Cuedechoh che ngua Simón che namin duche ye Pedro, quenan ye ya̱n Jope.