Atos 11:2-13

²Morarame Jerusarẽ pona Peturu toytose ropa ahtao, imaro tõsezusezuhse toto oxime jekyry tomo, juteu tomo.

³—Oty katoh juteutõkara maro mexiase? Oty katoh roropa imaro xine motukuase? tykase toto Peturu a.

⁴Mame Peturu a turuse ropa toto emero. Kure turuse toto. Ynara tykase ynororo eya xine,

⁵—Jope po exiase oturũko Ritonõpo maro. Morarame otuato panõ enease josenety. Nyhtoase sã kapu ae yneneryme. Mame typorohse ymyhtokoxi.

⁶Moro ao onokyro panõ enease eeryhpo, kapau, pakira, mũpo, rere, okoi, torõ tõ panono, enara sã tonese ya.

⁷Morarame omi etase, “Peturu, moxiã etapako õtyme,” nase sã ya.

⁸Yrome ezukuase, “Onetapara ase. Jotỹtory tõ moxiaro. Moinoro ase toto onõpyra, ypoetoae ro,” ase eya.

⁹Yrome jezukuase ropa, “Õty ynekarohpyry poko, ‘Jotỹtory tõ moxiaro,’ kara exiko,” nase ropa ya.

¹⁰Morarame nonukuase ropa sã repe, otuato panono. Morarame nyhtoase ropa samo osemazuhme ayhtohpyry panono. Oseruao nyhtoase ropa sã moro. Morarame nonukuase ropa rahkene jũme kapu aka.

¹¹Morarame ahno neporehkase, oseruao, morotona ytapyĩ taka, Sezarea poe Koneriu nenyohtyamo.

¹²Morarame ynara tykase Ritonõpo zuzenu ya, “Moxiã maro ytoko. Enaromyra exiko,” nase ya. Morara exiryke toto maro ytoase rahkene. Moxiã roropa wekyry aroase ymaro 6me Jopepõkomo Koneriu tapyĩ taka.

¹³Morarame tytapyĩ tao noturuase yna a. Ynara tykase ynororo, “Taro Ritonõpo nenyokyhpyry nosenepoase ya. Ynara tykase ynororo ya, ‘Opoetory aropoko Jope pona, Ximão enehtohme. Esety akorõ Peturu.