Taalie 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹I naxa i yɛtɛ matɔxɔ tina xa fe ra, barima i mu a kolon naxan fama rabade.

²I naxa i yɛtɛ matɔxɔ, a lu mixi gbɛtɛ nan xa i matɔxɔ. Mixi gbɛtɛ xa matɔxɔɛ fisa i yɛtɛ xa matɔxɔɛ bɛ.

³Kote nan gɛmɛ ra, mɛyɛnyi fan binya, kɔnɔ xaxilitare xa gbɛsɛnxɔnnɛya xɔrɔxɔ a birin bɛ.

⁴Bɔɲɛ xa te xɔrɔxɔ, xɔnɛ fan magaaxu, kɔnɔ nde nɔma tide tɔɔnɛ tan ya ra?

⁵Marakɔrɔsi raminife kɛnɛ ma mixi xa tantanyi xa fe ra, na fisa marakɔrɔsi nɔxunfe marafanyi xa fe ra.

⁶I xanuntenyi xa marakɔrɔsi xɔnɔ, kɔnɔ la na ra. I yaxui tan i madaxuma nɛ wɔyɛnyi ɲɔxunmɛ ra.

⁷Mixi lugaxi mu wama hali kumi xɔn, kɔnɔ kaamɛtɔɛ tan, hali se xɔnɛ nan a ra, a ɲɔxun a bɛ.

⁸Xɛmɛ naxan a makuyama a xɔnyi ra, na maniya xɔni ra naxan a makuyama a tɛɛ ra.

⁹Labundɛ nun surayi bɔɲɛ rasɛɛwama nɛ, alɔ i xanuntenyi xa marasi fanyi.

¹⁰I naxa i dɛfanboore rabolo, i naxa i baba dɛfanboore rabolo. I naxa i bariboore xili i xa tɔɔrɛ ma. I dɔxɔboore makɔrɛxi fisa i ngaxakerenyi makuyaxi bɛ.

¹¹N ma di, bira lɔnni fɔxɔ ra alako n bɔɲɛ xa rafan n ma. Na kui n nɔma nɛ mixi yaabide naxan wama n nayaagife.

¹²Xaxilima a yɛtɛ ratangama fe xɔrɔxɔɛ ma, kɔnɔ xaxilitare tan soma nɛ na kui, a fa ɲaxankatɛ sɔtɔ.

¹³Mixi xa sɛɛkɛ se rasuxu a naxan taani xɔɲɛ bɛ, xa na mu a ra a naxan taani langoe bɛ.

¹⁴I na i dɔxɔboore xɛɛbu i xui itexi ra gɛɛsɛgɛ gbe ra, i bara a bɔɲɛ raɲaaxu a ma i tan mabiri.

¹⁵Ginɛ fitinɛtɔɛ luxi nɛ alɔ tunɛ di naxan fɛɛɲɛnma fa ra.

¹⁶Na ginɛ mɔɔli raxanfe, na maniyama foye raxanfe ra, a suxufe xɔrɔxɔ alɔ ture suxufe i bɛlɛxɛ ra.

¹⁷Wure nan wure raluganma. Mixi a boore rakamalima nɛ.

¹⁸Mixi naxan mɛɛnima xɔrɛ bili ma, a a bogi donma nɛ. Mixi naxan mɛɛnima a karamɔxɔ ma, a binyɛ sɔtɔma nɛ.

¹⁹Adama yatagi na ki naxɛ, na nan minima ye xɔɔra. Adama yati na ki naxɛ, na toma nɛ a bɔɲɛ kui.

²⁰Aligiyama mu wasama mixi faxaxie ra, adama fan mu wasama a waxɔnse ra.

²¹Xɛɛma nun gbeti matoma tɛ ra, kɔnɔ mixi makiitima a xili nan ma.

²²I na maale din, a lagi bama nɛ a ma, kɔnɔ xaxilitareɲa mu bama xaxilitare bɔɲɛ kui.

²³I xa i xa xuruse birin kolon a fanyi ra, i xa mɛɛni e ma,

²⁴barima bannaya mu buma tɛmui birin, xunnakeli fan mu buma abadan.

²⁵Xurusee na gɛ e balode ɲooge ra naxan toma fiili ma nun geya fari,

²⁶yɛxɛɛe xabe yailan dugi ra i bɛ, si kontonyi findi kɔbiri ra i xɛ sarama naxan na,

²⁷si xiɲɛ findi i xa denbaya nun i xa konyie balo se ra.