Taalie 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Di lɔnnila a tuli matima a baba xa marasi nan na, kɔnɔ xurutare mu a tuli matima marasi ra.

²Mixi fanyi xa wɔyɛnyie fe fanyi nan naminima, kɔnɔ yanfante tan wama gere nan xɔn.

³Mixi naxan a dɛ suxuma, a xun nakelima nɛ, naxan dɛ wuyaxi, na tan a xun nakanama nɛ.

⁴Tunnaxɔnɛ xa fefe mu sɔɔnɛyama, kɔnɔ tunnabɛxi harige gbegbe sɔtɔma nɛ.

⁵Wule mu rafan tinxintɔɛ ma, kɔnɔ mixi ɲaaxi tan a yɛtɛ rayaagima nɛ.

⁶Tinxinyi tinxintɔɛ makantama nɛ, fe ɲaaxi yunubitɔɛ tan nahalakima nɛ.

⁷Mixi nde a yɛtɛ findima banna nan na, kɔnɔ sese mu a yi ra. Boore tan a yɛtɛ findima setare nan na, kɔnɔ harige gbegbe na a yi ra.

⁸Banna xa kɔbiri a xun sarama mixi kobie ma, kɔnɔ mixi kobie mu sese fenma setare ra.

⁹Tinxintɔɛ luxi nɛ alɔ lanpui dɛxɛxi, mixi ɲaaxi tan xa lanpui xubenma nɛ.

¹⁰Yɛtɛ igboɲa gere nan nabulama, kɔnɔ marasi ramɛfe findima lɔnni nan na.

¹¹Harige naxan sɔtɔma tinxintareya kui, a sigama xurun na nɛ, kɔnɔ harige naxan sɔtɔma dɔyi dɔyi tinxinyi kui, na sigama gbo ra nɛ.

¹²Xa mixi mu a waxɔnfe sɔtɔma, a tɔɔrɔma nɛ, kɔnɔ xa a sɔtɔ, a sɛɛwama nɛ duniɲɛigiri kui.

¹³Mixi naxan yoma marasi ma, a na sare sɔtɔma nɛ, naxan tan marasi binyama, na fama nɛ sare fanyi sɔtɔde.

¹⁴Xaxilima xa marasi findima simaya nan na, a mixi ratangama gantanyi ɲaaxi ma.

¹⁵Fahaamui findima hinnɛ nan na mixi bɛ, kɔnɔ mixi ɲaaxi tan xa kira xɔrɔxɔ.

¹⁶Xaxilima a xa lɔnni rawalima, kɔnɔ xaxilitare daxuɲa nan tun funfunma.

¹⁷Xɛɛra tinxintare findima tɔɔrɛ nan saabui ra, xɛɛra tinxinxi tan fama yalanyi nan na.

¹⁸Mixi naxan tondima marasi ra, a setareɲa nun yaagi sɔtɔma nɛ, kɔnɔ naxan marasi ramɛma, a binyɛ nan sɔtɔma.

¹⁹A ɲɔxun, mixi waxɔnfe na raba a bɛ, kɔnɔ xaxilitare mu tinma gbilende a waxɔnfe ɲaaxi fɔxɔ ra.

²⁰Mixi na lu xaxilima fɔxɔ ra, a fan xaxili sɔtɔma nɛ, kɔnɔ lɔnnitaree xa malan booreɲa, findima tɔɔrɛ nan tun na.

²¹Yunubitɔɛ sare findima fe ɲaaxi nan na, tinxintɔɛ tan sare findima hɛɛri nan na.

²²Mixi fanyi kɛ luma a xa mamadie nan bɛ, yunubitɔɛ tan kɛ luma tinxintɔɛe nan bɛ.

²³Baloe gbegbe minima nɛ setare xa xɛ ma, kɔnɔ tinxintareya luma nɛ kasara ra.

²⁴Babɛ naxan mu a xa di xuruma luxusinyi ra, na di mu rafan a ma. Babɛ naxan a xa di xuruma, na di rafan a ma.

²⁵Tinxintɔɛ wasama nɛ baloe ra, kɔnɔ tinxintare tan luma kaamɛ ra nɛ.