8 Bzkq amrlzq nide, a' nabz ani, X natekqtr ncblo kzble mz nzngini-krde kxrmailz.
9 Nabzsz-kzle doa nedeng x olvz rde, Murde trpengr kx na-aclve-angidrle nidr.
10 Naodatitxde ma nyz doa nedeng, Murde navztxneng mz nzrlx-krdr dakxnzng.
11 Mz nzrka-niwzlr-krdr trau kx rlxti trtedr, nayrkrtxpxngr dztudrng amrlx. X lr mrkzbleng napnatibzlr da kx atatrple mz nzwz-krde.
12 Bzkq kx nivz lrde mrlzbz bade, X bzkq kx ycngr drtwrde doa nedeng.
13 Nabzng badr lr ma nyzdeng amrlx, Murde bzkq kx nardctipx mou drtwr nqvi lrde.
14 Nadcpx mz drtwrm nqmq kr melrmqdeng kc tqtrka, X bzkq ipqpxq alwx ngr lxede.
15 Mrkc Heven nadcpx zvz mz drtwrm alwx ngrdrng, A' mz nrlc enqmi lcng namrbrtr alo mz drtwr.
16 Rlxtibo bam da lcng murde mrlx lc trpnzngr kx mrlzti nivz lrde, A' armzkiti x rnibqti leplz txneng kxtrnzrngiscung x kx drtwrdr talvzo zlwz.
