Text copied!
CopyCompare
Buk Baibel long tokples Motu - SALAMO

SALAMO 3

Help us?
Click on verse(s) to share them!
1Iehova e, e inai henigumu taudia na ede hohodia! E tuari henigumu taudia na hutuma.
2Hutuma herea ese lau e herevalaigumu, etomu, Dirava ese se kahaiamu. (Selah)
3Iehova, e, o ḡeḡegu ahumu, egu kesi ai o laomu; oi na egu diari, lau kwaragu o abia isimu.
4Iehova na boi heniamu, bena ena ororo helaḡana amo e haere henigumu. (Selah)
5Lau na hekure, na mahuta, ma na noga; badina be Iehova na egu imuda.
6Taunimanima gerebu gerebu basina gari henidia; e ḡeḡegu ahumu bona e tuari henigumu taudia na garidia basina gari.
7Iehova e, a tore isi! Egu Dirava e, a hamaurigu! Badina be inaigu iboudiai na vahadia vada o patadia, kara dika taudia danu isedia vada o hakwaidudia.
8Hahemauri na Iehova ena amo e maimu; emu hahenamo na emu orea taudia latadiai e miamu. (Selah)