MAREKO 3

1

2

3

4

5

6

7

8

9

10

11

12

13

14

15

16

¹Dubu ai ma e dae kau, irna heveri tauna ta na unuseni ai.

²Bena idia ese e itaia tao, Dina Helaḡa ai baine harnauria eiava, bena bae habadelaia eto.

³A ia na ima heveri tauna e hamaoroa, eto, Ini a raka mai.

⁴Bena e nanadaidia, eto, Edena namo, Dina Helaḡa ai baita hahenamo eiava baita hahedika? Baita hahemauri eiava baita heala? A idia na asie hereva.

⁵Taunabunai, mai baduna ida e haḡeredia, bona mai lalohisihisina ida, edia lalo-duhu dainai. Bena una tau e haduaia, eto, Imamu a toia roro.E haroroa, bena imana vada e namo.

⁶Bena Farisea taudia e raka lasi, Herod ena orea taudia ida e henega hebou, ia ialana dalana e tahuava. Gorere taudia ma e hamauridia

⁷Iesu ena hahediba ida kone ela, bena hutuma Galilea amo ia murinai e raka; bona hutuma bada danu Iudea arno,

⁸bona Ierusalem amo, bona Idumea amo, bona loridane sinavaina unukahana amo, bona Turo Sidono kahadia amo ema; badina be ia harina e kamonai.

⁹Bena ia ese ena hahediba e hamaorodia, vanaḡi auta bae abia heḡaeḡae, hutuma ese bae biria na garina.

¹⁰Badina be ia ese gorere taudia hutuma vada e hamauridia dainai gorere taudia iboudiai e aru ela, ienai bae dau kau eto.

¹¹Bena lauma dikadia ese ia e itaiava ai na vairanai e goru diho, e lolo, eto, Oi na Dirava Natuna.

¹²A ia ese e tamanudia, basie hahedinaraia.

¹³Una murinai ia na ororo e dara dae, e ura henidia taudia na e boiridia; bena idia na ia dekena ela.

¹⁴Bena ia ese gwauta-rarua e abidia hidi, iabae bamoa, bona baine siaidia bae haroro,

¹⁵bona siahu baine henidia, lauma dikadia bae luludia oho.

¹⁶Simona e nemaia Petro;

¹⁷Iakobo Sebedeo, tadina Ioane ida, e nemaidia Boanere (anina be “guba e rahurahuamu natuna”);

¹⁸bona Andrea; bona Filipo; bona Batolomeo; bona Mataio; bona Toma; bona Iakobo Alfeo; bona Tadeo; bona Simona, Selote tauna;

¹⁹bona Iuda Iskariote, ia na taona itorena tauna.

²⁰Ia na ruma ai ma e dae kau; a, hutuma ma e hebou lou dainai, idia na asi edia dala bae aniani.

²¹Varavarana ese ia harina e kamonai, bena idabai-taona ela, eto, Ia na vada e kavaia.

²²Itorena taudia Ierusalem amo ema, eto “Ia na mai Beel-sebul” bona “Lauma dikadia biagudia siahuna ai ia ese lauma dikadia e luludia ohomu”.

²³Bena ia ese e boiridia, hereva heḡereḡerena ta e henidia, eto, Satana ese Satana ede baine lulua oho toma?

²⁴Basileia ta bema parara, una basileia basinema gini diba;

²⁵bona iduhu ta bema parara, una iduhu basinema gini diba;

²⁶bona Satana na sibona bema hetuari heni, bema parara; ia na basinema gini, a bema ore.

²⁷Tau ta ese goada tauna ena ruma ai basine dae kau diba, ena kohu basine dadi diba, ela bona goada tauna do baine ḡuia guna, ma murinai ena ruma kohuna baine dadi.

²⁸Na hamaoromui momokanimu, na tomu, taunimanima natudia edia kara dika iboudiai bae hegwau tao, bona edia hereva dikadia iboudiai danu;

²⁹a tau ta ese Lauma Helaḡa dikana baine gwauraia, iena dika na basine hegwau tao, a do baine mia hanaihanai.

³⁰Badina be idia na e tomava “Ia na mai lauma-dikana”.

³¹Gabeamo ia tadina bona sinana ia dekena ela, murimuri ai e gini, bena ta na ia iboirina e siaia.

³²Hutuma ese ia e helaia heḡeḡe, bena idia ese e hamaoroa, eto, Sinamu bona tadimu na unu murimuri ai gigini, oi e tahumumu.

³³Ia na e haere, eto, Sinagu bona tadigu be daidia?

³⁴Bena e helaia heḡeḡe taudia na e haḡeredia, eto, Sinagu bona tadigu buni:

³⁵Diravra ena ura e karamu taudia, idia hari tadigu, bona taihugu, bona sinagu.