Maka 3

1

2

3

4

5

6

7

8

9

10

11

12

13

14

15

16

¹Jesu go den kua li balimaama bangima dieli nni o joa den ye lienni ke o o nu kuodi.

²Bi niba den diidi o ki baa la o ya baa paagi o mi fuodima daali, li den tie kelima ban baa ki jaligi o.

³Jesu den yedi ya joa yaa nu n kuodi fi ki sedi siiga nni;

⁴o den buali ba naani li ŋani ki tieni yaala n ŋani bi yaala n bia mi fuodima daali, ki faabi o nilo bi ki kpa o. Bi den ŋmini.

⁵Jesu pali den biidi ke o diidi ba leni li pabiidili kelima bi pajuaga po Jesu den yedi yua yaa nu n kuodi: tandi anu o den tandi u ke u paagi.

⁶Falisieninba den ñani ki ban juogi leni Elodo buakaaba ki lingi ban baa tieni maama ki kpa o.

⁷Jesu leni o ŋoadikaaba den gedi mi ñincianmb po. Yaa niligu n yaba den ŋoa o. Galile yaaba, Jude yaaba,

⁸Jelusalema yaaba, Idume yaaba leni Judena kpenu kandima yaaba, Tili leni Sidoni yaaba. Bi niba boncianla den gbadi wan tiendi yaala ki cua o kani.

⁹Jesu den yedi o ŋoadikaaba n sedi lan yaa pa u yogunu kuli. Jesu den kua ki ñinbiabiga nni lan baa ga maama bi niba n da mabini o,

¹⁰kelima nani wan den paagi bi niba boncianla yeni, ayiama boncianla den ŋabigi o ki bua ki sii o.

¹¹Acicibiada n den la Jesu ya yogunu bi den gbaani o nuntuali ki kpaani: a tie U Tienu bijua,

¹²ama Jesu den yie bi po ke ban da waani wan tie yua.

¹³Li yaa puoli Jesu den doni li juali po ki yini wan bua yaaba ke bi cua o kani,

¹⁴o den gandi piiga n niba lie yaaba n ba yaa ye leni o ki caa ki wangi U Tienu maama

¹⁵leni li bali ki go deli acicibiada.

¹⁶Diidi wan den gandi yaa piiga n niliediba nne: Simono ke o den yini o Pieli .

¹⁷Jaka leni owaalo Jan Sebede bijaba Jesu n den yini yaaba Iboaneja lani n bua ki yedi a tapupuda,

¹⁸Andile, Filipi, Batelemi, Matiyu, Toma, Jaka Alife bijua, Tade, Simono Kana yua

¹⁹leni Judasa Isakalioto yua den yuandi ki janbi Jesu. Bi den guani ki kuni denpo.

²⁰Ku niligu den taani ŋali maama ke baa den pia yogunu ki baa je

²¹Jesu danba n den gbadi yaala n den tiendi bi den cua ki baa cuo o kelima bi den tua waa go pia yama.

²²Laa yogunu li bamaama bangikaaba yaaba n den ñani jelusalema ki cua o kani den yedi: mu cicibiadimu bado n puni o u paalu ke o deli a cicila.

²³Jesu den yini ba ki pua ba mi kpanjama ki yedi: naani Sutaanu baa deli Sutaani?

²⁴Yaa diema n boagidi ki tuogi mi yuli kan fidi ki yaa ye,

²⁵yaa diegu n boagidi ki tuogi ku yuli kan fidi ki yaa ye.

²⁶Lanwani Sutaani yaa fii ki tuogi leni o yuli oboagidi o kan fidi ki yaa ye.

²⁷Oba kuli kan fidi ki kua o gbamandaano diegu nni ki fie o piama kaa kpa loli laa gbamandaano li yaa puoli o baa fie o diegu nni piama.

²⁸N waani yi i moamoani bi niba baa ba sugili ban tiedi yaa tuonbiadi kuli po

²⁹ama yua n sugi U Tienu Fuoma yua kan ba sugili ŋali abada, o tieni yaa tuonbiadi n kaa pia gbenma

³⁰Jesu den yedi yeni kelima bi den yedi ke o pia ki cicibiadiga.

³¹Lanyogunu o na leni o waamu den se niinpo ki soani ban yini o.

³²Ku niligu den ka ki lindi o, bi den yedi o: diidi a na leni a waamu ye niinp o ki lingi a.

³³O den yedi yaaba n ye leni o ŋme n tie n na, ŋmenba mo n tie n waamu?

³⁴Lane o den diidi yaaba n ka ki lindi o ki yedi: diidi n na leni n waau nne.

³⁵Kelima yua n tiendi U Tienu yanbuama wani n tie nataanjoa, n nataanpua leni n na.