LUKU 1:55-75

⁵⁵Latate Aebalahamu ito ouvamela mota mini-liki nisiki minabo wewenalokaya ga loko hukobetoko sa-ibomidana ihilawama soto pekaiye.

⁵⁶Melemamo sa-lokokoya Elisabetite maya miniki ukada loweki makokiya le hulikoko akuya numudaloka le wili jekoya wiye. 46 1 Sam 2:1-10 55 Jen 18:14

⁵⁷Sa-iyoko Elisabeti maya oluho etatibo onawama nisekaiyoko, ipalaya etaiye.

⁵⁸Etokaiyoko, muki wewenalale ito iwelalesiya We napamamo he elowo oetaibo ga maya elikikiya Melelemaki mulunipou wati iye.

⁵⁹Sa-okaiyoko, onawa 8-pala yamidana sako wokaiyoko, Omaimidana ganelama aya ipamidana upalaloma moloetatune likiki muki wewena nisiki li esa ikiki ulilamaki aholada ulilalo molatune likiki lae.

⁶⁰Liki layoko, dolamamo auha lokoko O'e. Ulilaya Joniyo loko molatune.

⁶¹Loko lokaiyoko, sa-liki li me: Aiye, emo latakalesida ulinipo mako sako minamiye.

⁶²Liki auhaya likadanaki Jekolaeyadamamu ipalada ulilama nenae loko molatihe likadanaki dadelotima aweyaha ayoko,

⁶³Jekolaeyamamo pepama liki nisilo loko adelotima aweyaha okaiyoko, liki nisiki mikayoko, yaloma ulila maya Joniyo loko luhuwa jiye. Jekaiyoko, elikadanakiya agae, likiya lae.

⁶⁴Sa-iyoko, Jekolaeyada epa ulumalama enemane oko wehe liyoko, Omaimidana epoka liye.

⁶⁵Sa-iyoko, iwelale malokasiya elikadanaki domodanipo adoha wonebo ne. Sa-iyoko Judiya ebakuka bolaukahena ito muki numutokahena aya gama wetome-katome ayoko,

⁶⁶muki wewenasiya wego menago ganipoma elikikiya eli madonipou moliki sa-liki lae: Oluhoya napa lekoko nenaha etihelae liki lae. Liki laboya, We napamidana elewolelama aya oluholo neyoko mudaikiki labo ne. 59 Liv 12:3

⁶⁷Ito ahola Jekolaeyadaya Omaimidana weuna oluholimo ukalau lemeko minokoko ilime lalo okaiyoko, ga mako sa-loko ohuwa hukoko liye:

⁶⁸We napate Omaimoya Isilaelo wewena lemodaya lilime wati okadanaki lahelamibo nesautima lilimekaiye.

⁶⁹Elekele oluhola Dewitida ouvamela mota lahelametibo nesauti lilimitibo ahoda maya le sinoko hekaiye.

⁷⁰Hapaya eimola epalauti ga likaka wesiya dilime lalo iyoko, ga mako koha moliki sa-likima liminaboma ne:

⁷¹Lowa hi limiki asowalaki nesa li limiki sa-niabo wewenasida dadeutiya lilime oli ekolaiye.

⁷²Latatelesidama eke lobetoko dilimituwe loko lo molaibo ne. Ga loko wasa jekaka gaya liboyaloya ele-minoko sa-oletakolaiye.

⁷³Ito latate Aebalahamudama sa-loko elewole oko lo moloetaibo nenako,

⁷⁴yamuya lowa ulatelo wewenatelesilokatiya lilimekadeko hulu oko minakolune,

⁷⁵ito lukaya eto eto oko minoko gateya minamideko elekele oluhola lolo oko mino-loko woko minoko heletune. Sa-onenako, Omaimidana epoka letune.