Luke 1:55-75

⁵⁵(na wandi a tre niba timba) ni Ibrahim baba ih'pu ma kase kase.

⁵⁶Maryamu ason mla u wha tra ni Alisabatu rhi nda kma hi ni koma.

⁵⁷Nton ngrji Alisabatu a tie, waa a ngrji vren ma, vren lon.

⁵⁸kpukpan son ma baba mlah ma ba wo khikle kpe ndi Bachi Irji tie, ni lo suron ma niwu, nda ngrji ni wu.

⁵⁹A he niki, ni viwu tandra, ba ye bubu gyen mbru ni vivren'a. Ba ta zinde tima Zakariya niwu.

⁶⁰Iyhima a sa bawu ndi, “Aian, nde ma nih Yohana.”

⁶¹Ba hla niwu ndi “bi na he ni mla mbi rhi ni nde mba na.”

⁶²Ba tre ni wo ni tima ndi do hla nde wa ba yo vren'a.

⁶³Tima a mye duba nu igble wu nha, wa nha ndi, “ndema hi Yohana.” Ndji ba wawu mba ba tie sissri (mamaki).

⁶⁴Nhuma a kri bwu hari (immediately) i nl'pma a si, wa a tre nda ngyiri ni Irji.

⁶⁵Sissri a vu ndji bi wandi bana hye ba ba. Ba vu tre kpi bi yi zren ka gon ngblu ngbugblu Judea.

⁶⁶Wawu ndji biya ba wo'a, ba yo zi ni suron nda tre “i vren yi ni hye ni he?” Nitu woh Irji a he niwu.

⁶⁷Tima Zakariya, shu ni Ruhu tsatsra, hla ikpe andi ni he'a

⁶⁸“nda tre ndi gbresan ni Bachi, Irji wu Israila, wawu yi a ye zo nda khle ndu kpa-chuwo ni ndji ma.

⁶⁹A nzu njon kpata chuwo ni tawu ni koh ndji wu nduma Dawuda,

⁷⁰me andi a tre ni nhyu tsatsra anabi rhi ni sen.

⁷¹kpatachuwo rju ni wo bi yota ni shishi mba ni wo bi-andi ba kamba nita.

⁷²Ani tie toki nitu do tsro ta lo suron ma mba timbu, niki rhimre ni tsatsra yo nhyu,

⁷³ni shirji ni trema ni Ibrahim, bachi mbu.

⁷⁴A shirji ndi a ni nuta biwandi a chuta chuwo ni bi kamba nita, ikini tindu niwu hama ni sissri,

⁷⁵ni tsatsra ti bi, ni shishima wawu ni vrevre mbu.