Luka 7:5-29

⁵golese kaj manđol amare manušen, thaj vov pestar čerda amenđe sinagoga.”

⁶Thaj o Isus đelo lencar. Thaj kana avile pašo čher, bičhalda o kapetano pe amalen te vačaren lese: “Rajo! Ma čhuv tuče gova pharipe golesa so ka de an mo čher, golese so me naj sem dostojno te ave tali mi streja.

⁷Golese ni mangljem te avav angle tute kaj naj sem dostojno. Vačar jekh lafi gothar thaj sigate ka sastol mo manglo sluga.

⁸Golese kaj sem i me manuš tale nekaso autoritet, thaj isi man tale mande vojnikura, pa vačarav jekhese: 'Đa'!, thaj đal. Vačarav dujtonese: 'Av!' thaj avol. Vačarav me mingre slugase: 'Čher' thaj čerol gova.”

⁹Thaj kana šunda gova o Isus, čudisajlo, thaj irisajlo e manušenđe save đele pale leste thaj vačarda lenđe: “Vačarav tumenđe, vađi ni arakhljem Jevreje ano Izrael kas isi gači pačaipe.

¹⁰Thaj kana irisajle čhere okola so sesa bičhalde, arakhlje e nasvale sluga saste.

¹¹Na but pale gova, o Isus đelo ano foro savo akhardola Nain, thaj đele lesa lese sikade thaj pherdo manuša.

¹²Kana avile pašo vudar e foroso, thaj dik, nesave terne čhave ikalde mule, jekhore čhave ani dej, savako rom mulo. Pherdo manuša andaro foro đana lasa te prahon e čhave.

¹³Kana dikhlja la o Rajo, pelo lese žal lače, thaj vačarda lače: “Ma rov!”

¹⁴Avilo paše, dolda pe ko than kaj pašljardo sasa o mulo čhavo, thaj e manuša save inđarena le ačhile. Thaj o Isus vačarda: “Čhaveja! Tuče vačarav, “Ušti!” “

¹⁵O mulo čhavo đuvdilo em bešlo thaj lija te vačarol, thaj o Isus dija le lese dače.

¹⁶Savore darajle, thaj hvalisade e Devle. Vačarde: “Baro proroko maškar amende!” thaj: “O Dol avilo te pomognil pire manušenđe.”

¹⁷Kava šundilo taro Isus ani sa i Judeja thaj ane pašutne thana.

¹⁸Thaj vačarde e Jovanese lese sikade sa so o Isus čerda. Thaj akharda o Jovane pire dujen sikaden

¹⁹thaj bičhalda len ko Rajo te pučen le vačarindoj: “Tu li san gova save obećisada o Dol kaj trubul te avol, il te ađučara avere?”

²⁰Thaj avile ko Isus gola duj manuša thaj phende lese: “O Jovane Krstitelji bičhalda amen tute te puča tut: 'Tu li san gova save obećisada o Dol kaj trubul te avol, il te ađučara avere?”'

²¹A ane gova časo o Isus sastarda buten taro lengo nasvalipe, tar lengo pharipe thaj tare bilačhe duxura, thaj bute koren dija dičhipe.

²²Thaj o Isus phenda e Jovanese sikadenđe: “Đan thaj vačaren e Jovanese so dikhljen thaj so šunden: e kore dičhen, e banđe phiren, e gubava thodon, e kašuče šunen, e mule ušten, thaj okolenđe save si ani potreba vačarolpe o Lačho lafi.

²³Thaj vačaren lese i kava: 'O Dol blagoslovil okole savo naj sablaznimo zbog mande!”'

²⁴Thaj kana đele e sikade e Jovanese, o Isus lija te vačarol taro Jovane e manušenđe: “So ikliljen te dičhen ki pustinja? I trska, savi banđol ki barval? Na!

²⁵Il so ikliljen te dičhen? Manuše ane barvale fostanura urade? Na! Gasave manuša phiraven barvale fostanura, thaj ano šukaripe bešen ane carska palate.

²⁶Il ikliljen te dičhen? Proroko? Va, me phenav tumenđe vov si po but taro proroko.

²⁷Golese so si o Jovane manuš kastar o Dol vačarda ane piro Sveto Lil: “Ak me bičhalav me glasniko angle tute, savo ka čerol tuće o drom angle tute.”

²⁸Vačarav tumenđe, tare sa e manuša save sesa bijande ni sasa pobaro taro Jovane o Krstitelji, thaj po baro si lestar o em cikno ano Carstvo e Devleso.

²⁹Sa e manuša so šunde e Isuse, pa i nesave carincura, pinđarde kaj si e Develeso sikaipe šukar thaj krstisajle e Jovaneso krstipe.