Luka 23:3-42

³Pilato akamkolya, akahunga, Uewe wintemi Wayahudi? uYesu akasusha akalunga, ingi wewe ukulanga iti.

⁴Upilato akamuila ukuhani numukulu a mitunda, shakuona igazo nila muntu uyu.

⁵Ingi nianso ikalunga, wenda asongeela iantu, wenda amanyisa kuuyahundi ihi, kandilya kugalilaya ni tungili ukoti hapa.

⁶Upilato nai wija, akakaelya kina Umuntu uyu ang'wa waku Galilaya.

⁷Naiwalinga kina aukoli mutemi wang, wa Herode, akamutwala kung'wa Herode, imatungo nanso nung'wenso aukoli kuyerusalemu imahiko nanso.

⁸Uherode naiwamuona Yesu, akalowa, kunsoko autakile kumuona siku idu. Aiwija ulukumo lakwe, akalowa aone ata ikuilwa ling'wi nilikitung'wa nung'wenso.

⁹Uherode akamukolya uYesu nkani yidu, Uyesu singa akasusha kintu kihi.

¹⁰Iakuhani niakulu palung'wi niandiki akimika kuautaki ukazimusemela.

¹¹Uherode palung'wi nia hami akwe, ikmutukila nukumumda, nukumutagala inguo ninza uYesu sunga ikamususha kung'wa Pilato.

¹²Herode nu Pilato ikatula ikihumbashuya kandilya uluhiku lulo, ntongeela apa ng'wanso aialemanilye.

¹³Upilato akaitanga iakuhani niakulu nilongeeli niamilundo na antu.

¹⁴Akaaila mandetela umuntu uyu, anga muntu nuiatongeela awa niyituma imabi, hangi gozi namukolekelya pa ntongeela anyu, singa naona igazo ku muntu uyu ku nkani yihi inazamenda musemela nuinso.

¹⁵Kutile, ang'wi Herode, kunsoko wamususha kitaitu, inangi kutile kintu kihi nikibi naiwitumile nakihumile kutule apegwe ulamulwa wa nsha.

¹⁶Kululo kumupa ulamulwa nukumutunguila.

¹⁷Itungili, Upilato ukumulekela mutungwa ung'wi kua yahudi matungo na mahiku aulumbiili.

¹⁸Ingi ihi akazogolya palung'wi, akazelunga,''Muheje uyu, hangi kuluguilye ubaraba.''

¹⁹Ubaraba ai muntu nauikilwe kukitungo kunsoko au sambo mukisali palung'wi nuubulagi.

²⁰Upilato akaila hangi, ndalwe kumuleka uYesu.

²¹Kululo nianso akakulya iyogo agigwe agigwe.

²²Akaakolya katatu, akaila umuntu uyu witumile mabiki? Naulya igazo nilihumile kumutwala muulamutwa wa nshaakwe, kululo ingankondye kupumya uulamulwa kumulekela.

²³Akitwita kua ngulu, akalowa agig'wa, induli yao ikampembeselya upilato.

²⁴Upilato akaaila mitumi anganimuonee.

²⁵Akamutunguila uyu nautungilwe kukitingo kunsoko akusingizeeligwa kituma ubi nu kubalaga. Uyu naumuloilwe, akamupunya uYesu amitumile nialoilwe.

²⁶Naiakumuheja ikamuamba muntu ung'wi, Simoni Mkirene, naupimie kumugunda, ikamutika ikota la mpanga amutyale uYesu.

²⁷Milundo mkulu nuantu, niasungu idu naiahumilwe ikinya uwayi nukuhongeelya kunsoko akwe, ai amutyatile.

²⁸Akaa pilukila akaaila, Ananso niamu Yerusalemu, leki kundiili unene, iliili unyenye niana anyu.

²⁹Goza imahiku apembilye,''niazelunga, akembetwa iagumba ni nda nishayiluga nimaele aya nisinga aiankilye.

³⁰Pang'wanso azetula maila imalugulu, kugwili, ana malugulu kukunikili.

³¹Ang'wi akituma nkanizizi mu mti nutotu ukatula uli mu mti nuwumo?

³²Intunja abiili hangi niansambo aiatwawe palung'wi nung'wenso ende abulagwe.

³³Naipaka apo niitangwa ing'ang'a Iitwe, ikatula maja palung'wi niasambo, ung'wi mukono nuakigiha numuya mukono nua kikima.

³⁴Uyesu akahinga, Tata alekole kunsoko shangaalikile niakituma. Nienso ikaku ialo ahume kugalana imyenda akwe.

³⁵Iantu ainukile akazeagozeeye kunu iatemi akazemumela, akazelunga, aiwiaguna niangizeo, itungili nigune nung'wenso, ang'wi nuanso Kristo wang'wi, Itunda, naushaguwe.

³⁶Iahomi neonso ikamudalaha, Ikamuhugeela ikamupa inkungu.

³⁷Ikalunga, ang'wi uewe wimu temi wayahudi igune uewe.

³⁸Aikikoli hangi kilingasiilyo migulya akwe naikiandikilwe, ''UYU NGWENSO MUTEMI WAYAHUDI”.

³⁹Ung'wi wa Sambo naukagigwa akamutuhila akalunga, uewe wi Kristo? Iguno uewe nu sese.

⁴⁰Ingi gwa umuya akasusha, akamukenela akalunga, uewe shumogopile ne Itunda? nuewe ukoli mulamulwa wuwo wuwo?

⁴¹Use kukoli kutai, Kunsoko usese kusingiilya iko nikimpyani ni ntendo yitie ingi umuntie uyu shawitumile anga kintu kihi nikibi.

⁴²Hangi akongeelya, Yesu unkimbuke nukingila mutemi wako.