Lefii 4

1

2

3

4

5

6

7

8

9

10

11

12

13

14

15

16

¹Ḿpʋ́ɣʋ́ Tɑcɑɑ tɔmɑ Moisi sɩ:

²Tɛlǝsɩ Ɩsɛɣɛlɩ nyǝ́mɑ sɩ, ye pǝ yʋkǝnɑ nɔɣɔlʋ nɑ ɩ́ lɑ́ mpi Tɑcɑɑ kisɑɑ tɔ, nɑ ɩ́ yɔkɩ kiiu. Ɩsǝnɑ pʋntʋ kɑ́ lɑ tɔɣɔlɔ.

³Ye kɔtʋlʋ sɔsɔ pǝntǝnɑ, ɩlɛnɑ ɩ tɑsǝkǝlɛ tɑɑnɑ yǝlɑɑ tǝnɑ. Pǝ wɛɛ sɩ ɩ́ lɑ Tɑcɑɑ kɛ ɩsɑɣɑtʋ hɩɩsʋɣʋ kɔtɑɣɑ kɛ nɑʋ ɑpɑlʋ nyǝŋ wei ɩ tiili tɑ cɑɑmɩ tɔ.

⁴Ɩ pukinɑ nɑʋ ɩnǝɣɩ tǝsulle cokǝle nɔnɔɣɔ. Ɩlɛnɑ ɩ́ tǝnɩ ɩ niŋ kɛ ɩ nyʋɣʋ tɑɑ, nɑ ɩ́ lɛntɩ-ɩ Tɑcɑɑ kiŋ tǝnɑ.

⁵Ɩlɛnɑ kɔtʋlʋ sɔsɔ kpɑɣɑ kpǝntɛ cɑlǝm nɑ nyǝnɑɣɑ nɑ ɩ́ sʋʋnɑ cokǝle tɑɑ.

⁶Ɩ liiki pǝ tɑɑ kɛ́ mpǝle, ɩlɛnɑ ɩ́ ŋmɩɩsɩ tɔm nɑɑtosompɔɣɔlɑɣɑ, kɛ Tɑcɑɑ kiŋ tǝnɑɣɑ cokǝle pʋʋɣʋ kʋkɑɣɑʋ tɔɔ, nɑ pǝ tɔɔ pǝ tɔɔ cǝnɛ.

⁷Ɩlɛnɑ ɩ́ tɑɑ cɑlǝm mpɩ tɔtɔɣɔ tulɑɑlʋ tǝwɔtɛ hǝlǝŋɑsɩ tɔɔ kɛ́ cokǝle tɑɑ tǝnɑ. Pǝ wɑɑlɩ, ɩlɛnɑ ɩ́ pǝlɩ cɑlǝm kʋkɑɑsǝm kɛ kɔtɑɣɑ tǝlɑtɛ nte tǝ wɛ cokǝle nɔnɔɣɔ tɔ tǝ tɛɛ.

⁸Ɩlɛnɑ ɩ́ kɔɔlɩ kpǝntɛ nim cɔlɔ nim cɔlɔ tǝnɑ. Pǝ kpɑɣɑʋ pǝ tǝnɑ mpi pǝ pɑmɑ pǝ tɑɑ lotu tɔɔ tɔ,

⁹nɑ timpee nɑɑlɛ nɑ ɑ nim, nɑ kɔŋkɔmǝŋ tɑɑ nyǝm. Ɩsɩɩ pɑ lǝsʋɣʋ hɔɔlɛ nɑ pɑ́ kpɛnnɑ timpee tɔ.

¹⁰Lonɑ kʋlʋmɛɛ ɑnǝɣɩ pɑ sɛtǝɣɩ nɔɣɔ kʋlʋmɑɣɑ kpɛntʋɣʋ kɔtɑɣɑ kpǝntɛ tɔɔ. Ɩlɛnɑ kɔtʋlʋ sɔsɔ nyɑɣɑsɩ nɑntʋ ntǝɣɩ kɔtɑɣɑ tǝlɑtɛ tɔɔ.

¹¹Pǝ kɑɑsǝɣɩ nɑntʋ lɛntɩ, nɑ tɔnʋɣʋ nɑ nyʋɣʋ, nɑ nɔŋkpɑɑsɩ, nɑ lotu nɑ pǝ tɑɑ nyǝm tǝnɑ. Ɩlɛnɑ pɑ́ lɩɩnɑ tǝsikile wɑɑlɩ, kɛ lonte nte pɑ lǝsǝnɑ tǝ mpɑɑ nɑ pɑ́ lɔɔkɩ tɔlʋmɑ nim nyǝnɑ tɔ. Nɑ pɑ́ nyɑɣɑsɩ-tǝɣɩ kɔkɔ kɛ tɔlʋmɑ huɣule tɔɔ.

¹³Ye ɩsɩɩ Ɩsɛɣɛlɩ nyǝ́mɑ tǝnɑ tǝpɑɩ kɛ́ pǝ yʋkǝnɑɑ, nɑ pɑ́ lɑ mpi Tɑcɑɑ kisɑɑ tɔ, nɑ pɑ́ yɔkɩ ɩ kiiu nɑ pɑ tǝnɑ pɑ tɔm sɩ.

¹⁴Ɩlɛnɑ pǝ́ kɔɔ nɑ pɑ́ cɛkǝnɑ. Pǝ wɛɛ sɩ pɑ́ lǝsɩ nɑʋ ɑpɑlʋ nyǝŋ kɛ ɩsɑɣɑtʋ hɩɩsʋɣʋ kɔtɑɣɑ kɛ́. Pɑ pukinɑ-ɩ tǝsulle cokǝle nɔnɔɣɔ,

¹⁵ɩlɛnɑ pɑ nyʋɣʋ nyǝ́mɑ tǝnɩ pɑ niŋ kɛ kpǝntɛ nyʋɣʋ tɑɑ. Nɑ pɑ́ lɛntɩ-tɛɣɛ cokǝle nɔnɔɣɔ tǝnɑ.

¹⁶Ɩlɛnɑ kɔtʋlʋ sɔsɔ cosi tǝ cɑlǝm nɑ ɩ́ sʋʋnɑ tǝsulle cokǝle tɑɑ.

¹⁷Ɩ liiki pǝ tɑɑ kɛ́ mpǝle, ɩlɛnɑ ɩ́ ŋmɩɩsɩ tɔm nɑɑtosompɔɣɔlɑɣɑ, kɛ Tɑcɑɑ kiŋ tǝnɑɣɑ cokǝle pʋʋɣʋ kʋkɑɣɑʋ nɑ pǝ tɔɔ pǝ tɔɔ cǝnɛ.

¹⁸Ɩlɛnɑ ɩ́ tɑɑ cɑlǝm mpɩ tɔtɔɣɔ tulɑɑlʋ tǝwɔtɛ hǝlǝŋɑsɩ tɔɔ kɛ́ cokǝle tɑɑ tǝnɑ. Pǝ wɑɑlɩ, ɩlɛnɑ ɩ́ pǝlɩ cɑlǝm kʋkɑɑsǝm kɛ kɔtɑɣɑ tǝlɑtɛ nte tǝ wɛ cokǝle nɔnɔɣɔ tɔ tǝ tɛɛ.

¹⁹Ɩlɛnɑ ɩ́ sɛtɩ nim cɔlɔ nim cɔlɔ nɑ ɩ́ wɔ kɔtɑɣɑ tǝlɑtɛ tɔɔ.

²⁰Teitei ɩsɩɩ ɩ kɑ lɑpʋ ɩ mɑɣɑmɑɣɑ ɩ ɩsɑɣɑtʋ hɩɩsʋɣʋ kɔtɑɣɑ nɑʋ tɔɣɔ ɩ kɑ́ lɑnɑ ɩnɛ. Ɩlɛnɑ ɩ́ lɑ Ɩsɛɣɛlɩ nyǝ́mɑ tǝnɑɣɑ ɩsɑɣɑtʋ hɩɩsʋɣʋ kɔtɑɣɑ, nɑ Ɩsɔ tɑɣɑnɩ-wɛɣɛ-tɩ.

²¹Pǝ wɑɑlɩ ɩlɛnɑ ɩ́ ponɑ kpǝntɛ kɑkɑɑsɑɣɑ kɛ tǝsikile wɑɑlɩ, nɑ ɩ́ nyɑɣɑsɩ-tɛɣɛ kɔkɔ, ɩsɩɩ ɩ kɑ lɑpʋ ɩ mɑɣɑmɑɣɑ ɩ ɩsɑɣɑtʋ hɩɩsʋɣʋ kpǝntɛ kɔtɑɣɑ tɔ. Kɔtɑɣɑ ŋkɑ kɑ hɩɩsǝɣɩ Ɩsɛɣɛlɩ nyǝ́mɑ tǝnɑ ɩsɑɣɑtʋ tɔɣɔlɛ.

²²Ye ɩsɩɩ nyʋɣʋ tʋ nɔɣɔlʋɣʋ pǝ yʋkǝnɑɑ, nɑ ɩ́ lɑ mpi ɩ Cɑɑ Ɩsɔ kisɑɑ tɔ. Ɩsɩɩ ɩ yɔkɑ ɩ kiiu nɑ ɩ tɔm sɩ́.

²³Ɩlɛnɑ pǝ́ kɔɔ nɑ ɩ́ cɛkǝnɑ ɩ ɩsɑɣɑtʋ. Pǝ wɛɛ sɩ, ɩ́ lɑ pǝŋtʋlʋɣʋ ŋku kʋ tiili tɑ́ cɑɑmɩ tɔɣɔ ɩsɑɣɑtʋ hɩɩsʋɣʋ kɔtɑɣɑ.

²⁴Ɩ tǝnǝɣɩ ɩ niŋ kɛ kpǝntɛ nyʋɣʋ tɑɑ kɛ́. Ɩlɛnɑ ɩ́ lɛntɩ-tɛɣɛ tǝsulle cokǝle kiŋ, kɛ timpi pɑ lɛntǝɣɩ kɔtɑsɩ nsi kɔkɔ lusɑɑ tɔ sɩ tɔlɑ tɔ. Kɔtɑɣɑ ŋkɑ kɑ hɩɩsǝɣɩ ɩsɑɣɑtʋ tɔɣɔlɛ.

²⁵Ɩlɛnɑ kɔtʋlʋ lii ɩ mpǝle kɛ cɑlǝm tɑɑ, nɑ ɩ́ tɑɑ-wǝɣɩ Ɩsɔ kɔtɑɣɑ tǝlɑtɛ hǝlǝŋɑsɩ tɔɔ, nɑ ɩ́ pǝlɩ kʋkɑɑsǝm kɛ tǝ tɛɛ.

²⁶Ɩlɛnɑ ɩ́ wɔ nim cɔlɔ nim cɔlɔɣɔ kɔtɑɣɑ tǝlɑtɛ tɔɔ. Ɩsɩɩ pɑ lɑkʋɣʋ nɔɣɔ kʋlʋmɑɣɑ kpɛntʋɣʋ kɔtɑɣɑ kpǝntɛ tɔ. Ɩlɛnɑ ɩ́ lɑ nyʋɣʋ tʋ ɩnǝɣɩ ɩsɑɣɑtʋ hɩɩsʋɣʋ kɔtɑɣɑ nɑ Ɩsɔ tɑɣɑnɩ-ɩ-tɩ.

²⁷Ye ɩsɩɩ yʋlʋ kɛ yem kɛ́ pǝ yʋkǝnɑɑ, nɑ ɩ́ lɑ mpi Tɑcɑɑ kisɑɑ tɔ. Ɩsɩɩ ɩ yɔkɑ ɩ kiiŋ tɑɑ nɑkʋlɩ, nɑ ɩ tɔm sɩ́.

²⁸Ɩlɛnɑ pǝ́ kɔɔ nɑ ɩ́ cɛkǝnɑ, pǝ wɛɛ sɩ ɩ́ lɑ ɩsɑɣɑtʋ hɩɩsʋɣʋ kɔtɑɣɑ kɛ pǝ́ŋ́ ɑlʋ nyǝŋ wei ɩ tiili tɑ́ cɑɑmɩ tɔ.

²⁹Ɩ tǝnǝɣɩ ɩ niŋ kɛ kpǝntɛ nyʋɣʋ tɑɑ kɛ́, ɩlɛnɑ ɩ́ lɛntɩ-tɛɣɛ timpi pɑ lɛntǝɣɩ kɔtɑɣɑ ŋkɑ kɔkɔ lusɑɑ tɔ kɑ tɔlɑ tɔ.

³⁰Ɩlɛnɑ kɔtʋlʋ lii ɩ mpǝle kɛ cɑlǝm tɑɑ, nɑ ɩ tɑɑ Ɩsɔ kɔtɑɣɑ tǝlɑtɛ hǝlǝŋɑsɩ tɔɔ. Ɩlɛnɑ ɩ́ pǝlɩ kʋkɑɑsǝm kɛ tǝ tɛɛ.

³¹Ɩlɛnɑ pɑ́ sɛtɩ kpǝntɛ nim cɔlɔ nim cɔlɔ. Ɩsɩɩ pɑ lɑkʋɣʋ nɔɣɔ kʋlʋmɑɣɑ kpɛntʋɣʋ kɔtɑɣɑ tɔtɛ tɔ, nɑ kɔtʋlʋ nyɑɣɑsɩ nɑntʋ ntǝɣɩ kɔkɔ, nɑ Tɑcɑɑ nɩɩ pǝ sɔɔsʋŋ. Ɩlɛnɑ ɩ́ lɑ́ pǝntʋlʋ kɛ ɩsɑɣɑtʋ hɩɩsʋɣʋ kɔtɑɣɑ nɑ Ɩsɔ tɑɣɑnɩ-ɩ-tɩ.

³²Ye heu kɛ ɩ sɔɔlɑ ɩsɑɣɑtʋ hɩɩsʋɣʋ kɔtɑɣɑ lɑpʋ ɩlɛ ɩ kɔnɑ ɑlʋnyǝŋ wei ɩ tiili tɑ́ cɑɑmɩ tɔ.

³³Ɩ tǝnǝɣɩ ɩ niŋ kɛ kpǝntɛ nyʋɣʋ tɑɑ ɩlɛnɑ ɩ lɛntɩ-tɛɣɛ timpi pɑ lɛntǝɣɩ kɔtɑɣɑ ŋkɑ kɔkɔ lusɑɑ tɔ kɑ tɔlɑ tɔ.

³⁴Ɩlɛnɑ kɔtʋlʋ lii ɩ mpǝle kɛ cɑlǝm tɑɑ, nɑ ɩ́ tɑɑ kɔtɑɣɑ tǝlɑtɛ hǝlǝŋɑsɩ tɔɔ. Nɑ ɩ́ pǝlɩ kʋkɑɑsǝm kɛ tǝ tɛɛ.

³⁵Ɩlɛnɑ pɑ́ sɛtɩ kpǝntɛ nim cɔlɔ nim cɔlɔ. Ɩsɩɩ pɑ lɑkʋɣʋ nɔɣɔ kʋlʋmɑɣɑ kpɛntʋɣʋ kɔtɑɣɑ heu tɔ. Ɩlɛnɑ kɔtʋlʋ nyɑɣɑsɩ-tǝɣɩ kɔkɔ nɑ kɔtɑɣɑ nyǝntʋ lɛntɩ. Ɩlɛnɑ ɩ́ lɑ́ pǝntʋlʋ kɛ ɩsɑɣɑtʋ hɩɩsʋɣʋ kɔtɑɣɑ nɑ Ɩsɔ tɑɣɑnɩ-ɩ-tɩ.