14A uluwan geellatettai de7ees; i iitabaa qoppees; ubbatookka i ooshshaa medhdhees.
15Hegaa gaasuwan bashshai akeekennan a bolli yaana; i hassayennan meqqana; meqqidikka paxenna.
16GODAI ixxiyo usuppun yohoti de7oosona; i shenetiyo yohoti ubba laappuna:
17karidi xeelliya aifiyaa, worddotiya inxxarssaa, ashkke asata woriya kushiyaa,
18iitabaa maqqiya wozanaa, iitabaakko eesotidi woxxiya tohuwaa,
19wordduwaa bolli wordduwaa gujji gujjidi odiya worddo markkaa, ishatu giddon ooshshaa medhdhiya asa.
20Ta na7au, ne aawaa azazuwaa pola; ne aayyiyaa nena tamaarissidoogaakka aggoppa;
21eta ubbatoo ne wozanan oiqqa; ne qooriyankka qachcha.
Leemiso Maxaafaa 6
Leemiso Maxaafaa 6:14-21