Leemiso Maxaafaa 28:14-26

¹⁴GODAAYYO ubbatoo yayyiya asi anjjettidaagaa; shin ba wozanaa dammissiya asi meton gelana.

¹⁵Hiyyeesa asaa haariya iita daannai gudiya gaammuwaanne namisettida godariyaa mala.

¹⁶Wozani paccido daannai ba asaa naaqqees; shin asa naaqqiyoogaa ixxiyaagee daro laittaa haarana.

¹⁷Asa worida asi haiqqana gakkanaashin baqatiiddi de7ees; a ooninne shiishshi ekkenna.

¹⁸Boree bainnan hemettiya uri qohettennan attana; shin geella asi issi kuttan kunddana.

¹⁹Ba gadiyaa oottiya urai kattaa kallees. SHin shufurota kaalliya urai ubbatoo hiyyeesidi de7ees.

²⁰Ammanettida urai daro anjjettana; shin duretanau jaamiyaagee qaxxayettennan attenna.

²¹SHaakkidi maaddiyoogee lo77enna; shin asi guutta oittaa gishshau giidikka, shaakkidi maaddees.

²²Uuzettiya urai duretanau jaamees; bana hiyyeesatetti oiqqanaagaakka erenna.

²³Asa coo sabbiya uraappe seeriya uri guyyeppe galatettees.

²⁴Ba aawaappenne ba aayeeppe wuuqqidi, “Taani ainne nagara oottabeikke” yaagiya urainne bashshiya urai issi mala.

²⁵Yaaretiya urai ooshshaa denttees; shin GODAN ammanettiyaagee kallees.

²⁶Banan ammanettiya asi eeyya; shin aadhdhida eratettan hemettiyaagee saro de7ees.