Leemiso Maxaafaa 21:19-23

¹⁹Ooyettiyanne yiillotiya machcheera de7anaappe bazzon de7iyoogee keha.

²⁰Wozannaama uraa son mal77o qumainne oissai minjjettees; shin eeyya asi bau de7iyaabaa ubbaa mirggees.

²¹Xillotettaanne aggenna siiquwaa koyiya uraa baree aduqqees; qassi he urai xillotettaanne bonchchuwaa demmees.

²²Wozannaama asi wolqqaama olanchchati de7iyo katamaa olidi oiqqees; oiqqidi eti ammanettido mino qatuwaakka laalees.

²³Ba doonaanne ba inxxarssaa naagiya asi bana metuwaappe naagees.