Jeremia 32:33-37

³³Jaŋe maicnurâ mâcne, râpecnurâ domambiŋ, ehuc dameŋ sâc dâŋ jaza qazuc ehuc jupo i sifu mi manambiŋ â bâbâtiŋte takic‐jopawec wâc.

³⁴Jaŋe nemuɋâŋfâc‐jeŋic mamakâcne i ine taha ufuŋ nore ʒâŋe fokac i gâc hecneniŋte ira baferâ âkendâŋ‐jopambiŋ.

³⁵Jaŋe naru motecfâc‐jeŋic Moleke nemu ere biŋe qahuc rikec‐jopaniŋte Beŋ‐Hinom wâneŋko Baali nemu ere bâzi ririke toma bambiŋ. No ine wiac iŋucne moc mi mutâcne‐jarepo â jaŋe wiac mamakâcne iŋucne ehuc Juda eatuckepie sâqocne baocte moc mi manasupo.

³⁶“‘Hae ʒi ʒika â roroc â huc hâmoczi qakume Babe ŋicwofuŋ ere meo feocmu’, ŋoŋe iŋuc mueŋgopieŋ, Wofuŋ Israere Anutu noni ine hae irec dâŋ ʒiŋuc mukopac:

³⁷Manakic, no aaric â kimbeŋ â mamana sâqoc mâretec mana‐jarehuc mâreŋ sâc bâtâtiec‐jopapo irecnec mocwâc ro nusec ejarerâ jowac‐jopape hae mâreŋ ʒira risierâ wamao junʒepieŋ.