Annabi Yeremi 32:33-37

³³E bara e kobe raso n na. N nu bara e matinkan tɛmui birin, kɔnɔ e mu n ma sɛriyɛ suxu.

³⁴E bara kuyee dɔxɔ n ma banxi kui, n xili falama dɛnnaxɛ. E bara n ma banxi manɔxɔ na fe mɔɔli ra.

³⁵E bara salidee ti Bali kuyee bɛ Ben Hinoma gulunba kui. Mɛnni e bara e xa die ba sɛrɛxɛ ra Mɔlɔkɔ bɛ. N mu naxan fala e bɛ, naxan mu nɔma findide n ma maɲɔxunyi ra, e bara na fe xɔnxi mɔɔli birin naba, a fa findi yunubi ra Yudaya bɛ.»

³⁶«Wo a falama a yi taa fama lude Babilɔn mangɛ nan sagoe, santidɛgɛma, kaamɛ, nun fure ɲaaxi saabui ra. Kɔnɔ Isirayila Marigi Alatala xa masenyi nan ya:

³⁷‹N fama nɛ Isirayilakae raminide ɲamanɛe ma, n e rayensenxi dɛnnaxɛ n ma xɔnɛ xungbe kui. N bɔɲɛ nu bara te e ma, kɔnɔ n man fama nɛ e rasode yi taa kui bɔɲɛsa ra.