Zeremaea 32:33-37

³³Mudi mae Au rini si Arau meke lopu tia mae; meke be vea va tumatumae pilipule gunini Rau, ba korodia va avoso babe va tabe Au rini.

³⁴La va turui rini sari dia beku variva malederedi pa korapana sa Zelepade sapu ta poza nia Rau meke va bonia rini.

³⁵Taveti rini sari na hope te Beolo koasa Lolomo Hinomu pude vukivukihi ni sari dia koreo na vineki la koe Moleki. Asa sapu lopu hite garunu nia Rau, babe kamo mae pa Qua binalabala, pude arini kote tavetia sa ginugua variva malederena hola asa. Gua ke ta turaṉa pa sinea sari kasa tie pa Ziuda.”

³⁶“Zama si gamu pa guguana sa vasileana lavata hie sapu, ‘Koa gua pa vedara, soṉe, na oza, ke kote ta vala koasa baṉara pa Babiloni si asa,’ gua; ba hiera gua si zama nia e Zihova, sa Tamasa pa Izireli:

³⁷Hinokara kote vagi varigara ni Arau si arini koari na vasidi pu hadu lani Rau koasa Qua binugoro na tinaṉaziri lavata; kote turaṉa maeni Rau koasa vasina hie meke va koa i pa binule.