Jeremaia 32:33-37

³³Ra kulu sökürür ngeniei, nge resap kul ngeniei. Inamwo ika üa ököüröüreer, nge resap mochen aüseling ngeniei.

³⁴Ra fen anomu ar kewe uluulun anümwäl mi anioput lon ewe imwenfel a föü itei won, pwe repwe alimengaua.

³⁵Ra senätä rongen asor fän iten ewe anü Paal lon ewe lemolun Hinom, pwe repwe eäni asor nöür ät me nengin ngeni ewe anü Molok. Üsap allük ngeniir, esap pwal tolong lon ai ekiek, pwe repwe föri ei sokun föför mi anioput o emweni chon Juta ngeni tipis.”

³⁶Ewe Samol mi Lapalap, ewe Koten Israel a üreni Jeremaia, “Ekewe aramas ra apasa pwe ei telinimw epwe tolong lepöün ewe kingen Papilon ren maun, ren lengita me mätter. Nge iei kopwe rongorong mine ngang üa apasa:

³⁷Üpwe achufengeni ekewe aramas seni ekewe fanü meinisin ia üa asürela ie fän ai song me lingeringer watte. Üpwe aliwinireto ngeni ei leni o föri pwe repwe nom fän kinamwe.