عَننَبِ يٍرٍ مِ 32:33-37

³³عٍ بَرَ عٍ كٌبٍ رَ سٌ ﭑ نَ. ﭑ نُ بَرَ عٍ مَتِنكَن تّمُي بِرِن، كْنْ عٍ مُ ﭑ مَ سّرِيّ سُشُ.

³⁴عٍ بَرَ كُيٍيٍ دْشْ ﭑ مَ بَنشِ كُي، ﭑ شِلِ قَلَمَ دّننَشّ. عٍ بَرَ ﭑ مَ بَنشِ مَنْشْ نَ قٍ مْولِ رَ.

³⁵عٍ بَرَ سَلِدٍيٍ تِ بَلِ كُيٍيٍ بّ بٍن هِنٌمَ فُلُنبَ كُي. مّننِ عٍ بَرَ عٍ شَ دِيٍ بَ سّرّشّ رَ مْلْكْ بّ. ﭑ مُ نَشَن قَلَ عٍ بّ، نَشَن مُ نْمَ قِندِدٍ ﭑ مَ مَحْشُنيِ رَ، عٍ بَرَ نَ قٍ شْنشِ مْولِ بِرِن نَبَ، عَ قَ قِندِ يُنُبِ رَ يُدَيَ بّ.»

³⁶«وٌ عَ قَلَمَ عَ يِ تَا قَمَ لُدٍ بَبِلْن مَنفّ نَن سَفٌي، سَنتِدّفّمَ، كَامّ، نُن قُرٍ حَاشِ سَابُي رَ. كْنْ عِسِرَيِلَ مَرِفِ عَلَتَلَ شَ مَسٍنيِ نَن يَ؛

³⁷‹ﭑ قَمَ نّ عِسِرَيِلَكَيٍ رَ مِنِدٍ حَمَنّيٍ مَ، ﭑ عٍ رَيٍنسٍنشِ دّننَشّ ﭑ مَ شْنّ شُنفبٍ كُي. ﭑ بْحّ نُ بَرَ تٍ عٍ مَ، كْنْ ﭑ مَن قَمَ نّ عٍ رَ سٌدٍ يِ تَا كُي بْحّسَ رَ.