IEREMIA 32:33-37

³³Idia ese vada e gini muri henigu, asie vaira henigu. Ena be na hadibadia havara-havara to idia ese hahediba herevadia na asie hakala henidia.

³⁴Edia ḡau dika-rohorohodia na e haginidia, lau ladagu e henemailaia dubuna lalonai, bae hamiroa totona.

³⁵Baal ena atai gabudia helagadia e larebadia, Hinom natuna ena koura ai, natudia mamaruanedia bona hahinedia na boubou ḡaudia ai bae halaodia totona, Molek ena. A lau ese asina haḡanidia bona asina laloa idia ese una kara dika-rohorohona amo Iuda taudia bae hakaradia dika.

³⁶Taunabunai, ina hanua, umui ese o herevalaiamu, o tomu “Dare bona doe bona dai-hanai gorerena amo Babulono pavapavana imana u vada e atoa”, hanuana na Iehova, Israel Diravana, ese ini e herevalaia tomamu:

³⁷A itaia, egu badu bona egu lalo-siahu bona egu lalo-garagara bada-herea lalonai na luludia lao tanodia iboudiai amo ma baina haboudia lou; baina loulaidia ina gabu ai, bona baina hanohodia namonamo.