1Gode! Na Dima nodosa! Amaiba:le, mae ouiya:le fima!
2Wadela:i hamosu dunu amola ogogosu dunu da nama doagala:i. Ilia da na hou ogogolewane olelesa. Ilia da bai hame amomane nama udigili doagala:sa.
4Na da ilima asigisa, amola ili fidima:ne Dima sia:ne gadosa. Be amomane, ilia da nama higale ha lai gala.
5Na da ilima noga:i hou amola asigi hou hamosa. Be ilia nama wadela:i dabe iaha.
6Nama ha lai dunuma fofada:ma:ne, ogogosu fofada:su dunu ilegema. Ema ha lai dunu da e diwaneya udidimu da defea.
7E da fofada:nanu, dafawane wadela:i hou hamoi dagoi ba:mu da defea. Ea sia:ne gadosu amolawane da fofada:su ganodini, wadela:i sia:ne gadosu ba:mu da defea.
8E da hedolo bogomu da defea. Amola ea bidi lamusa: hawa: hamosu, enoga gesoamu da defea.
9Ea mano da guluba: mano agoane ba:mu da defea. Amola ea uda da didalomu da defea.
10Ea mano da diasu hamedene, udigili edegesa doulalalumu da defea. Dunu oda ilia da ea mano ilia diasu mebua esalebe, amodili sefasimu da defea.
11Dunu ilima e da muni imunu gala, ilia ea gagui liligi huluanedafa samogemu da defea. Liligi huluane e bidi lamusa: hawa: hamoi, amo huluane ga fi dunu ilia lamu da defea.
12Amola dunu afadafa da ema hamedafa dogolegemu da defea. Amola ea guluba: mano yolesi da enoga hamedafa ouligimu da defea.
13Egaga fifi mabe huluane bogogia:mu da defea. Amola eno buga:le fifi mabe, ilia da ea dio gogolemu da defea.
14Hina Gode da eso huluane ea aowalalia wadela:i hou dawa:lalumu da defea. Amola eme ea wadela:i hou hamedafa gogolema:ne olofomu da defea.
15Hina Gode da eso huluane ilia wadela:i hou hamedafa gogolemu da defea. Be fa:no fifi mabe, ilia da ili hamedafa dawa:mu da defea.
16Amo dunu da eno dunuma asigimusa: hamedafa dawa:i, amola e da hamedafa gagui dunu amola hahani dunu huluane se iawene fane legesu.
17E da dunu gagabui aligima:ne hanasa. Be e da gagabuiga aligimu da defea. E da enoma hahawane dogolegele hou imunu higasa. Amaiba:le, enoga ema hahawane dogolegele hou hame imunu da defea.
18E da eso huluane abula ga:nelala defele, e da eso huluane eno dunuma gagabui aligima:ne dawa:i. Ea gagabui da hima hano agoane ea da:i ganodini gasogimu da defea, amola ea gasa ganodini susuligi agoane gasogimu da defea.
19Amo gagabui aligisu da hina: da:i abulaga sosobe agoane amola eso huluane bulu idinigibi agoane aligimu da defea.
20Hina Gode! Na ha lai dunu ilia da nama lasogole sia:sa. Amo dunuma agoane se dabe ima.
21Be Na Ouligisudafa Hina Gode! Dia ilegele sia:i defele, na fidima. Amola na gaga:ma! Bai Di da Dia noga:idafa hou amola asigidafa hamosu dawa:.
22Na da hame gagui amola hahanisa, amola na da se bagadedafa naba.
23Na da daeya galu da:i baba agoai hedolowane alalolesimu agoai gala. Na da danuba: agoai, foga mini asi dagoi.
24Na da ha:i hame nabeba:le, muguni gasa hamedene emo healesa. Na da:i da geloga:le gasa dabua heda:i.
25Dunu ilia da naba:le oufesega:sa, amola ilia nama higale busa:gi fofoga:sa.
26Na Hina Gode! Na fidima! Dia eso huluane mae fisili asigidafa hou, amoga na gaga:ma.
27Di fawane da na gaga:su dunu. Na ha lai dunu, ilia amo dawa:digima:ne, Di hamoma.
28Ilia da na aligima:ne gagabumu. Be Di da na hahawane esaloma:ne hamomu. Nama se iasu dunu, amo Di hasalasima. Na, Dia hawa: hamosu dunu, da hahawane ba:mu da defea.
29Na ha lai dunu da gogosiamu da defea. Ilia gogosiasu da abula agoane ili dedebomu da defea.
30Na da Hina Godema ha:giwane nodone wele sia:mu. Na da dunu ilia gilisisu amogai Ema nodone sia:mu.
31Bai E da hame gagui dunu gaga:sa. Dunu mogili da hame gagui dunuma medoma:ne fofada:sa. Be Hina Gode da ili gaga:sa.
