Dəkəcop 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Kɔ Kanu kəloku Nuha: «Məbɛrɛ abil disrɛ, məna k'afum am fəp, bawo iŋkɔkcɛ a məna sona gboŋ (mən' olomp) mən' ɛcɛps' em darəŋ anapa am fəp dacɔ.

²Məlɛkɛnɛ sɛm yɔtɔt camət-mɛrəŋ camət-mɛrəŋ, yorkun kɔ yɛran, mba sɛm yɛlɛc, məlɛk yi mɛrəŋ mɛrəŋ: Workun kɔ wɛran gbəcərəm.

³Kɔ bɛmp, məlɛkɛnɛ yi fəp dacɔ, yorkun camət-mɛrəŋ kɔ yɛran camət-mɛrəŋ. Ti t' endesɔŋɛ yi sɔ yeyi doru.

⁴Pəŋcəmɛ mata camət-mɛrəŋ, itorɛ wəcafən mata 40 kɔ pibi 40 camcam. Tɛm tatɔkɔ indefɛŋ nnɔ doru afum aŋɛ inasɛl mɔ fəp.»

⁵Nuha ɛnayɔ mɔyɔ fəp, mmɛ Kanu Kəpɔŋ kənaloku kɔ mɔ.

⁶Nuha ɛnasɔtɔ meren 600 a kɔ domun dendekal antɔf.

⁷K'ɛmbɛrɛ debil kɔ wəran kɔn, awut ɔn k'aran aŋan, ntɛ tɔŋsɔŋɛ ŋayacənɛ domun ndɛ dɛnabaŋ antɔf mɔ.

⁸Sɛm yɔtɔt kɔ yɛlɛc, bɛmp kɔ sɛm yɛfɛt-yɛfɛt nyɛ yeŋliŋɛ-liŋɛ mɔ fəp,

⁹kɔ Kanu kəmbɛrsɛ yi abil disrɛ nde Nuha eyi mɔ, mɛrəŋ mɛrəŋ yorkun kɔ yɛran, pəmɔ tɔkɔ Kanu kənaloku ti mɔ.

¹⁰Ntɛ tataka ta camət-mɛrəŋ teŋcepər mɔ, kɔ domun dɛmbaŋ antɔf.

¹¹Kəren nkɛ Nuha ɔsɔtɔ meren 600, tataka ta wəco kɔ camət-mɛrəŋ, ŋof ŋa mɛrəŋ disrɛ, kɔ domun dombuŋcɛ dəcəŋgbɔkɔ fəp, kɔ kɔm kəŋgbitɛ pəpɔŋ.

¹²Kɔ wəcafən oŋcop kətuf mata 40 kɔ pibi 40.

¹³Dɔsɔk dayi dɔ Nuha ɛnabɛrɛ debil kɔ wəran kɔn k'awut ɔn, Semy, Ham, kɔ Yafɛt, k'aran aŋan maas,

¹⁴kɔ sɛm ya dop kɔ ya dare yin-yin kɔ sɛm yɛfɛt-yɛfɛt, bɛmp kɔ mataktaka.

¹⁵Kɔ yeŋesəm (sɛm) yorkun kɔ yɛran mɛrəŋ mɛrəŋ nyɛ yɛnayi doru mɔ, kɔ yender nde abil ŋa Nuha ŋeyi mɔ.

¹⁶Kɔ yorkun kɔ yɛran sɛm dokom fəp kɔ yɛmbɛrɛ abil disrɛ pəmɔ tɔkɔ Kanu kənaloku ti Nuha mɔ, kɔ Kanu kəŋgbətər ŋa kumba.

¹⁷Kɔ domun dɛmbaŋ antɔf mata 40, ntɛ domun dɛmpɛ mɔ, k'abil ŋofoy.

¹⁸Ntɛ domun dɛŋc-pɛ mɔ, ti tɔ abil ŋoŋc-foy.

¹⁹Kɔ domun dɛmbɛrɛnɛ kəpɛ haŋ kɔ mɔrɔ meŋeci fəp mɛŋkalɛ.

²⁰(Tɛləpəs oŋ kɔ domun dɛmpɛ haŋ kɔ deŋcepər cururu wəco kɔ kəcamət mɔrɔ kəroŋ). Kɔ domun dɛmpɛ kɔ dɛŋkal mɔrɔ meŋeci haŋ cururu wəco kɔ kəcamət (mɛtər camət-mɛrəŋ).

²¹Ca nyɛ yɛnayi antɔf kəroŋ, a yecŋesəm mɔ fəp, kɔ yefi: Bɛmp, sɛm yɔcɔl, sɛm ya dop kɔ yeliŋɛ-liŋɛ fəp kəbəp afum.

²²Kəyɛfɛ paka mpɛ pɛnayi antɔf kəroŋ a pec-ŋesəm mɔ, kɔ pefi.

²³Kɔ Kanu kəfɛŋ dəntɔf paka mpɛ peŋc-ŋesəm mɔ, kəyɛfɛ fum haŋ kəbəp sɛm yɔpɔŋ, yɛfɛt-yɛfɛt kɔ bɛmp, k'enim yi doru fəp. Mɛnɛ Nuha gbəcərəm, aka kəlɔ kɔn disrɛ kɔ sɛm nyɛ yɛnayi debil mɔ, ŋanafis.

²⁴Domun dɛnabaŋ antɔf haŋ mataka 150.