Dəkəcop 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Kɔ Abraham ɛyɛfɛ di kəkɔ ka atɔf ŋa Nɛkɛf. K'ɛndɛ Kadɛs kɔ Sur dacɔ, k'ɛyɛfɛ sɔ k'eŋcepərɛnɛ tɛm Kerar.

²Abraham oŋc-loku afum aka di teta wəran kɔn Sara: «Wəkirɛ kem ɔfɔ.» Kɔ Abimɛlɛk, wəbɛ wəka Kerar, ɛmbaŋ Sara.

³Awa, kɔ Kanu kənder Abimɛlɛk dəmere ma pibi kɔ kəloku kɔ: «Kəfi kɔ mənder teta wəran wəkɔ məsumpər mɔ, bawo wəran wəlɔ ɔfɔ!»

⁴Abimɛlɛk nwɛ ɛnatɔgbuŋɛnɛ wəran nwɛ mɔ, k'eyif: «Kanu cəke cɔ pəyi-ɛ, kədif kɔ mənder atɔf ŋin ali ŋayɔnɛ afum alompu?

⁵Nkɔn Abraham yati olok' im: ‹Wəkirɛ kem ɔfɔ,› kɔ wəran yati nkɔn sɔ oloku: ‹Wɛŋc im wərkun ɔfɔ?› Abəkəc ŋosoku ŋ' inayɔ, ali pəlɛc iyɔ fɛ.»

⁶Kɔ Kanu kəloku kɔ dəmere: «Iŋcərɛ bel-bel ina sɔ, a abəkəc ŋosoku ŋɔ mənayɔ ntɛ məcyɔ tantɛ mɔ. Ina yati in' ɛyaməs am kədəktər im, ti t' inatɔwos' am a məgbuŋɛnɛ kɔ.

⁷Ndɛkəl, məluksɛ wəran wəkawɛ wos. Bawo wədəŋk wəka Kanu ɔ ɔyɔnɛ, endetolan' am məyi doru. Kɔ məntɔluksɛ kɔ-ɛ, məcərɛ a kəfi kɔ mənder kɔ ca yɔkɔ məyɔ mɔ fəp.»

⁸Kɔ Abimɛlɛk ɛyɛfɛ bət-bət suy, k'ewe acar ɔn fəp. K'ɔlɔmər ŋa mere mamɔkɔ fəp. Kɔ kənesɛ kəpɔŋ kəsumpər afum akakɔ.

⁹Kɔ Abimɛlɛk ewe Abraham k'eyif kɔ: «Cəke cɔ məyɔ su tantɛ-ɛ? Kɔ kiciya kəre k'iŋciy' am-ɛ, ntɛ məsɔŋɛ su, ina k'atɔf ŋem kəciya pəpɔŋ mɔ? Məyɔ em mɔyɔ mmɛ pəntɔmar məyɔ em mɔ.»

¹⁰Kɔ Abimɛlɛk eyif Abraham: «Cəke cɔ mənafaŋ ntɛ məyɔ tantɛ mɔ?»

¹¹Kɔ Abraham oloku: «Inacɛm-cɛmnɛ a kənesɛ Kanu kəyi fɛ nnɔ, a andedif im teta wəran kem.

¹²Ntɛ tendeŋərnɛ ti mɔ, kaŋce kɔ, a wəkirɛ kem ɔfɔ. Kas kin kɔ səmpaŋnɛ, səyerɛnɛ cɛrɛ. K'ender sɔ k'ɔyɔnɛ wəran kem.

¹³Ntɛ Kanu kəsɔŋ' em kəyɛfɛ kəlɔ ka papa wəkem mɔ, ti t' inaloku Sara: ‹Məlɛk' em layidi kəca nkɛ o nkɛ səŋkɔ mɔ, mədekɔ məcloku a wɛŋc əm wərkun iyɔnɛ.›»

¹⁴Kɔ Abimɛlɛk ɛlɛk cir, ŋkesiya, cəna kɔ acar arkun kɔ aran k'ɔsɔŋ Abraham k'oluksɛ kɔ wəran kɔn Sara.

¹⁵Kɔ Abimɛlɛk oloku: «Atɔf ŋem ŋɔ ŋaŋɛ nnɔ fɔr yam kiriŋ, məndɛ nnɔ pəndebɔt əm mɔ.»

¹⁶K'oloku Sara: «Isɔŋ wɛŋc əm wərkun mɛŋcəmbəl ma gbeti wul win, bɔyɔn' am aca nnɔ afum ŋayi mɔ, kəmentər fɔ məŋcərɛ fɛ tɔlɔm o tɔlɔm tes tantɛ disrɛ.»

¹⁷Kɔ Abraham ontola Kanu, kɔ Kanu kəntaməs Abimɛlɛk, wəran kɔn kɔ acar ɔn, kɔ ŋantam kəkom,

¹⁸bawo Kanu Kəpɔŋ kənasumpər aka kəlɔ ka Abimɛlɛk fəp dokombəra teta wəran ka Abraham, Sara.