Dəkəcop 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Dokombəra da awut a Nuha: Semy, Ham, kɔ Yafɛt dɛndɛ. Awut a Nuha ŋanakom awut, ntɛ domun dɛlarəm deŋcepər mɔ.

²Awut a Yafɛt ŋanayɔnɛ: Komɛr, Makɔk, Maday, Yawaŋ, Tubal, Mɛsɛk, kɔ Tiras.

³Awut a Komɛr: Askenas, Rifat, kɔ Tokarma.

⁴Awut a Yawaŋ: Elisa, Tarsis, Kitim, kɔ Dodanim.

⁵Awut akakɔ ŋanakom afum aŋɛ ŋayersɛnɛ kəndɛ cəba kəsək mɔ, kɔ tɔf yaŋan, kɔ cusu cəŋan, kɔ cusuŋka cəŋan nde tɔf yaŋan.

⁶Awut a Ham ŋanayɔnɛ: Kus, Misira, Put, kɔ Kanahan.

⁷Awut a Kus: Seba, Hawila, Sabta, Rahəma, kɔ Sabətəka. Awut a Rahəma: Saba kɔ Dedaŋ.

⁸Kus ɛnakom sɔ Nimrod, nkɔn onuŋkɛnɛ kəyɔnɛ korgba doru dandɛ.

⁹Nimrodu ɛnayɔnɛ wəpɛn korgba nde fɔr ya Kanu Kəpɔŋ kiriŋ. Ti tɔ alokɛnɛ: «Pəmɔ Nimrod, korgba kəpɛn nde fɔr ya Kanu Kəpɔŋ kiriŋ.»

¹⁰K'eŋkekərɛ dɛbɛ kərɛsna Babɛl, Ɛrɛk, Akad, kɔ Kalne nde atɔf ŋa Siŋhar.

¹¹Dəndo atɔf ŋaŋɔkɔ ŋɔ Asur ɛnawur, k'ɛŋcəmbər Niniwe, dare da Rehobot, Kalah,

¹²kɔ Rɛsɛŋ, dare dɔpɔŋ dɔkɔ dɛnayi Niniwe kɔ Kalah dacɔ mɔ.

¹³Kɔ Misira ɛnayɔnɛ wətɛm k'afum aŋɛ: Aka Lud, aHanam, aLehab, aNaftu,

¹⁴aPatərus, aKasəlu (aŋɛ aPɛlɛsɛt ŋawur dacɔ mɔ) k'aKaftor.

¹⁵Kɔ Kanahan oŋkom Cidoŋ, coco cɔn, kɔ Het.

¹⁶Kanahan ɛnayɔnɛ wətɛm ka cusuŋka cəlarəm: Aka Yebus, 'Amɔr, aKirkas,

¹⁷aHewi, aHarki, aSini,

¹⁸'Arwad, aCemar, aHamat. Ti disrɛ kɔ cusuŋka ca Kanahan cənde cəsaməsər.

¹⁹Cələŋcər ca aKanahan cənakɔ kəyɛfɛ Cidoŋ, Kerar kəsək, haŋ Kasa, kɔ kəca ka Sodom, kəca ka Komora, kəca ka Adma kɔ kəca ka Ceboyim, haŋ Lasah.

²⁰Awut a Ham ŋɔ akakɔ, dəcusuŋka cusuŋka, dəcusu cusu, dətɔf tɔf.

²¹Kɔ Semy wəbe ka Yafɛt, ɔsɔtɔ sɔ awut. Semy ɔyɔnɛ wətem ka Heber k'afum ɔn fəp.

²²Awut a Semy ŋanayɔnɛ: Helam, Asur, Arpaksadu, Ludo, k'Aram.

²³Awut a Aram ŋanayɔnɛ: Huc, Hul, Kɛtɛr kɔ Mas.

²⁴Arpaksadu ɛnakom Sɛlah. Kɔ Sɛlah oŋkom Hebɛr.

²⁵Kɔ Hebɛr oŋkom awut arkun mɛrəŋ. Tewe ta wəkin tɛnayɔnɛ Pelɛk, bawo tɛm tɔn tɔ antɔf ŋɛnayerɛnɛ. Kɔ tewe ta wɛŋc tɛnayɔnɛ Yoktan.

²⁶Kɔ Yoktan oŋkom Almodad, Sɛlɛf, Hatsarmawɛt, Yɛrah,

²⁷Hadoram, Husal, Diklah,

²⁸Hobal, Abimayɛl, Saba,

²⁹Ofir, Hawila, kɔ Yobab. Akaŋɛ fəp awut a Yoktan ŋanayi.

³⁰Kɔ ŋandɛ kəyɛfɛ ka Mesa, Sefar kəsək, haŋ nde mɔrɔ ma nde dec dɛmpɛ mɔ.

³¹Awut a Semy ŋɔ akakɔ, dəcusuŋka cusuŋka, dəcusu cusu, dətɔf tɔf.

³²Cusuŋka ca awut a Nuha cɔ cacɔkɔ, kɔ tɔkɔ aŋkom ŋa mɔ. Afum akaŋɛ ŋɔ afum ŋawur dəris a kɔ ŋandeyersɛnɛ dəntɔf, doru fəp ntɛ domun dɛlarəm deŋcepər mɔ.