Text copied!
CopyCompare
Kitabu ka Kanu - Dəkəcop

Dəkəcop 35

Help us?
Click on verse(s) to share them!
1Kɔ Kanu kəloku Yakuba: «Məyɛfɛ məpɛ məkɔ məndɛ Betel, məlompəs di dəkəloŋnɛ da Kanu nkɛ kənawurər əm, ntɛ mənayɛksər wɛŋc əm Esay mɔ.»
2Kɔ Yakuba oloku afum ɔn, kɔ akɔ ŋanayi kɔ nkɔn mɔ: «Nəwurɛ nu dacɔ canu cəcikəra. Nəsɔkəsnɛ, nətubi, nəsəkpər yɛbɛrnɛ.
3Kəyɛfɛ k'ander, papɛrnɛ Betel. Dəndo iŋkɔ-cəmbər dəkəloŋnɛ da Kanu nkɛ kənalok-lokər im dɔsɔk ndɛ inayi pəcuca disrɛ, a kɔ kəsol' em tɛm ntɛ inayi dɔpɔ ic-kɔ decikəra mɔ.»
4Kɔ ŋasɔŋ Yakuba canu cəcikəra ncɛ cənayi ŋa dəwaca mɔ fəp, kəbəp ya dələŋəs yaŋan. Kɔ Yakuba ɛmət yi nde kətɔk kəpɔŋ kəŋkɔ kəyi Səkɛm kəsək mɔ.
5Kɔ ŋaŋkɔ. Kɔ ayekyek ŋa Kanu ŋɛŋgbəpərnɛ aka sədare səkəsək fəp, kɔ ŋantɔtam kəcəmɛ awut a Yakuba darəŋ.
6Kɔ Yakuba ŋambɛrɛ kɔ akɔ ŋanacəmɛ kɔ darəŋ mɔ fəp, kəkɔ ka Lus, ti tɔ tatɔkɔ dare da Betel, atɔf ŋa Kanahan.
7K'ɛŋcəmbər di dəkəloŋnɛ da Kanu, k'ewe tofo tatɔkɔ «El-Betel», bawo difɔ Kanu kənawurər kɔ tɛm ntɛ ɛnayɛksər wɛŋc mɔ.
8Kɔ Debora, wəran nwɛ ɛnadusum Rebeka mɔ, efi. K'awup kɔ Betel tantɔf, nde aŋkiri dəntɔf nŋɛ awe tewe ta «Kətɔk ka Mɛŋcər» mɔ.
9Kɔ Kanu kəwurər sɔ Yakuba, ntɛ ɛmbɛrɛ Padaŋ-Aram mɔ, kɔ kəmpocɛ kɔ pətɔt.
10Kɔ Kanu kəloku kɔ: «Mən' aŋwe Yakuba, mba afɔsɔw' am tewe ta Yakuba tatɔkɔ. ‹Yisrayel› ŋ' ande pac-w' am oŋ.» Kɔ Kanu kəsɔŋ kɔ oŋ tewe ta Yisrayel.
11Kɔ Kanu kəloku kɔ: «In' ɔyɔnɛ Kanu nkɛ kəntam mes fəp mɔ. Məyɔnɛ wəkombəra, məla. Afum a tɔf yɛlarəm ŋɔ məndekom, abɛ ŋandewur əm dəris.
12Atɔf nŋɛ isɔŋ Abraham kɔ Isiyaka mɔ, indesɔŋ əm ŋi kɔ yuruya yam kɔ məndecepər-ɛ. Indesɔŋ ŋa atɔf ŋaŋɛ.»
13Kɔ Kanu kəmbɔlɛ kɔ day, nde kənalok-lokər kɔ mɔ.
14Kɔ Yakuba ɛŋcəmbər tasar da tofo tɔkɔ Kanu kənalok-lokər kɔ mɔ. K'ompus pi, k'oloŋər pi moro.
15Kɔ Yakuba ɔsɔŋ tofo tatɔkɔ tewe ta Betel, nde Kanu kənalok-lokər kɔ mɔ.
16Yakuba ɛyɛfɛ Betel kɔ afum ɔn. Ŋanawak kəbɔlɛ sɔ kəbɛrɛ ka Efərata, kɔ Rasɛl oŋkom, kəkom kəcuy.
17Eyi pəcuy pa kəkom kaŋkɔ, kɔ wəbaŋ kɔn wan oloku: «Ta mənesɛ, bawo məsɔtɔ sɔ wan wərkun!»
18Ntɛ Rasɛl ɛŋc-fi mɔ, k'ewe wan wəkakɔ Bɛn-Oni. Mba kɔ kas ewe kɔ Beŋyamin.

19Kɔ Rasɛl efi. K'awup kɔ nde dɔpɔ da Efrata, nde Betlɛhɛm.
20Kɔ Yakuba ɛŋcəmbər tasar nde kufu ka Rasɛl, tasar papɔkɔ ɛnacəmbər kufu ka Rasɛl mɔ, pɔsɔrɔyi di haŋ mɔkɔ.
21Kɔ Yakuba ɔŋkɔ, pəcəmbər abal nde Mikədal-Edɛr takəroŋ.
22Ntɛ Yakuba eyi atɔf ŋaŋɔkɔ mɔ, kɔ Ruben ɔŋkɔ pəfəntərər Bilha wəlakɔ ka papa kɔn, kɔ Yakuba ɛŋcərɛ ti. Yakuba ɛnasɔtɔ awut arkun wəco kɔ mɛrəŋ:
23Awut a Leya: Ruben coco ca Yakuba, Simɔŋ, Lewy, Yuda, Isakar, kɔ Sabulon.
24Awut a Rasɛl: Isifu kɔ Beŋyamin.
25Awut a Bilha, wəmarəs ka Rasɛl: Dan kɔ Naftali.
26Awut a Silpa, wəmarəs ka Leya: Kadu kɔ Aser. Awut a Yakuba ŋanayi akakɔ, aŋɛ ɛnakom Padaŋ-Aram mɔ.
27Kɔ Yakuba ender kas Isiyaka kəsək, nde Mamre, nde Kiriyat Harba, nde pəyɔnɛ Hɛbərɔŋ mɔ, a kɔ Abraham kɔ Isiyaka ŋanayi decikəra mɔ.
28Kəwon ka Isiyaka doru kənasɔtɔ meren 180.
29K'eŋgbiŋ kifir. K'efi, k'ɔnɔŋkəl atem ɔn akɔ ŋanafi mɔ, Isiyaka ɛnasikər, doru dɛtəŋnɛ kɔ. K'awut ɔn Esay kɔ Yakuba ŋawup kɔ.